சிதம்பரம், டிச.15:
மனித உரிமைகள் கழகத்தின் பரங்கிப்பேட்டை வட்டக்கிளை சார்பில் மனித உரிமை விழிப்புணர்வு பேரணி மற்றும் கூட்டம் திங்கள்கிழமை நடைபெற்றது. பெரியப்பட்டு-சிலம்பிமங்கலம் வரை நடைபெற்ற பேரணியை முன்னதாக புதுச்சத்திரம் காவல் நிலைய ஆய்வாளர் ராமச்சந்திரன் கொடியசைத்து தொடங்கி வைத்தார். மாவட்ட புரவலர் சச்சிதானந்தம், பெரியப்பட்டு கிராமத் தலைவர் ஜெயசங்கர் ஆகியோர் முன்னிலை வகித்தனர்.
கடலூர் மாவட்ட அமைப்பாளர் ராஜேந்திரன் விழிப்புணர்வுப் பேரணியை வழி நடத்தினார். பினனர் புதுச்சத்திரத்தில் நடைபெற்ற விழிப்புணர்வு கூட்டத்துக்கு, எம்.ராஜேந்திரன் தலைமை வகித்தார். ஒருங்கிணைப்பாளர் க.வடிவேல் வரவேற்றார். மாநில ஒருங்கிணைப்பாளர் பவானி ஜெயபாலன், மூத்த அமைப்பாளர் ஜெயராமன், எஸ்.எம்.கே.ரவி, வழக்கறிஞர் சுதாகர் உள்ளிட்டோர் பங்கேற்று பேசினர்.
0 கருத்துகள்:
கருத்துரையிடுக