இம்மாதம் 28, 29 தேதிகளில் கடலூரில் மாநில அளவிலான மேசைப் பந்து போட்டி நடைபெறும் என்று மாவட்ட ஆட்சியர் பெ.சீதாராமன் அறிவித்தார்.
2009-10-ம் ஆண்டில் பள்ளிகளுக்கு இடையேயான விளையாட்டுப் போட்டிகளின் மாநில அளவிலான மேசைப்பந்து போட்டிகள் 28, 29 தேதிகளில் கடலூரில் நடைபெற இருக்கிறது. கடலூர் அண்ணா விளையாட்டு அரங்கத்தில் இந்தப் போட்டிகள் நடைபெறும். இதில் தமிழகத்தின் அனைத்து மாவட்டங்களில் இருந்தும், 300 பேர் கலந்து கொள்கிறார்கள். போட்டிகளில் வெற்றி பெறும் மாணவ, மாணவியருக்கு தொடர்ந்து பயிற்சி முகாம் நடத்தப்படும். அவர்கள் தேசிய அளவிலான போட்டியில் பங்கேற்க அழைத்துச் செல்லப்படுவர் என்று ஆட்சியரின் செய்திக் குறிப்பு தெரிவிக்கிறது.
0 கருத்துகள்:
கருத்துரையிடுக