சிதம்பரம், டிச. 1:
சிதம்பரம் அருகே உள்ள லால்புரம் ஊராட்சியில் புதிதாக கட்டப்பட்டு வரும் கழிப்பறையை இடிக்க மாவட்ட ஆட்சியர் பெ.சீதாராமன் உத்தரவிட்டுள்ளார்.
லால்புரம் ஊராட்சி சார்பில் தீர்மானம் நிறைவேற்றப்பட்டு, சிதம்பரத்தை அடுத்த லால்பேட்டை ஊராட்சியில் வண்டிகேட் பகுதியில் பாசிமுத்தான்ஓடை, சிவகாமசுந்தரிஓடை இடையே புதிய கழிப்பறை கட்டடம் கட்டும் பணி நடைபெற்று வருகிறது. இந்த கழிப்பறை கட்டடத்தால் கரை சேதமாகி பாசிமுத்தான்ஓடை தண்ணீரும் வீணாகும் என பாசிமுத்தான்ஓடை விவசாய சங்கத் தலைவர் பி.ரவீந்திரன் ஆட்சியரிடம் புகார் தெரிவித்தார்.÷அ தன்பேரில் மாவட்ட ஆட்சியர் அதிகாரிகளைக் கொண்டு ஆய்வு மேற்கொண்டதில் பொதுப்பணித்துறை உள்ளிட்ட யாரிடமும் அனுமதி பெறாமல் அப்பகுதியில் கழிப்பறை கட்டப்பட்டு வந்தது தெரியவந்தது. மேலும் அந்த கழிப்பறையால் பொதுமக்களுக்கு பாதிப்பு ஏற்படும் எனக் கருதி அந்தக் கழிப்பறையை உடனடியாக இடித்து அகற்ற பொதுப்பணித்துறை அதிகாரிகளுக்கு ஆட்சியர் உத்தரவு பிறப்பித்துள்ளார்.
0 கருத்துகள்:
கருத்துரையிடுக