விருத்தாசலம்:
விருத்தாசலம் அடுத்த கோ.பவழங்குடி ஊராட்சி ஒன்றிய துவக்க பள்ளியில் ரோட்டரி சங்கம் சார்பில் இலவச பொது மருத்துவ சிகிச்சை முகாம் நடந்தது. ரோட்டரி சங்க தலைவர் ஆசைதம்பி தலைமை தாங்கினார். ஊராட்சி தலைவர் வெங்கடசாமி, ரோட்டரி நிர்வாகிகள் விஸ்வேஸ்வரன், பாலசந்தர், வெங்கடேசன் முன்னிலை வகித்தனர்.
முகாமில் 300 பேருக்கு பரிசோதனை செய்து சிகிச்சை அளிக்கப்பட்டது. டாக்டர்கள் செல்வம், ராஜகோபாலன், சின்னசாமி, ஐஸ்டின்டேவிட் சிகிச்சை அளித்தனர். செயலாளர் அன்பழகன், ஜெயராமன், ரமேஷ்சந்த், பாஸ்கர் உட்பட பலர் கலந்து கொண்டனர்.
0 கருத்துகள்:
கருத்துரையிடுக