சிதம்பரம், டிச.18:
சிதம்பரம் தெற்குவீதி அறுபத்து மூவர் மடத்தில் ஜீவா புத்தகக் கண்காட்சி தொடக்க விழா வெள்ளிக்கிழமை நடைபெற்றது. இக்கண்காட்சி டிசம்பர் 27 வரை காலை 9 மணி முதல் இரவு 9 மணி வரை நடைபெறுகிறது. பொதுஅறிவு, ஆன்மிகம், விவசாயம், குழந்தைகளுக்கான கதைகள் உள்ளிட்ட பல்வேறு நூல்கள் மற்றும் குறுந்தகடுகள் இக்கண்காட்சியில் இடம்பெற்றுள்ளன.அண்ணாமலைப் பல்கலைக்கழக பதிவாளர் எம்.ரத்தின சபாபதி புத்தகக் கண்காட்சியை தொடங்கி வைத்தார்.
காம ராஜ் பேரவைச் செயலாளர் ஜீவா விஸ்வநாதன் வரவேற்றார். சி.முட்லூர் பாரத ஸ்டேட் வங்கி மேலாளர் ஆர்.கல்யாணராமன் முன்னிலை வகித்தார். அரிமா பெரி.முருகப்பன், காமராஜர் பேரவைத் தலைவர் லட்சுமணன் உள்ளிட்டோர் பங்கேற்றனர்.
0 கருத்துகள்:
கருத்துரையிடுக