சிதம்பரம், டிச. 14:
கடலூர் மாவட்ட ஆட்சியர் பெ.சீதாராமன் உத்தரவின்படி சிதம்பரம் வட்டாட்சியர் அலுவலக நில அளவைப் பிரிவில் பட்டா மாற்றம் மற்றும் புல எல்லை அளக்கக்கோரி ஏற்கெனவே கொடுக்கப்பட்டு நிலுவையில் உள்ள மனுக்களுக்கு தீர்வு காண டிசம்பர் 15-ம் தேதி முதல் 21-ம் தேதி வடை பட்டா மாற்ற சிறப்பு முகாம் நடைபெற உள்ளது.
சிதம்பரம் கஸ்பா குறுவட்டத்தில் அந்தந்த கிராம நிர்வாக அலுவலர் அலுவலகத்தில் நிலஅளவர்கள் முகாமிட்டு மனுக்கள் மீது நடவடிக்கை மேற்கொள்ள உள்ளனர். எனவே மனு அளித்தவர்கள் அந்த கிராம நிர்வாக அலுவலர் அலுவலகங்களில் தங்களது கோரிக்கை குறித்த கிரய பத்திரம் மற்றும் ஆவணங்களுடன் ஆஜராகி தீர்வு பெற்றுக் கொள்ளலாம் என வட்டாட்சியர் கோ.தன்வந்தகிருஷ்ணன் தெரிவித்துள்ளார்.
0 கருத்துகள்:
கருத்துரையிடுக