கடலூர், டிச. 14:
இடைநிலை ஆசிரியர்கள் 73 பேருக்கு பணி நியமன ஆணைகளை கடலூர் மாவட்ட ஆட்சியர் பெ.சீதாராமன் திங்கள்கிழமை வழங்கினார். கடலூர் மாவட்டத்தில் உள்ள ஊராட்சி ஒன்றியப் பள்ளிகளில் காலிப் பணியிடங்களுக்கு இடைநிலை ஆசிரியர்கள் தேர்வு அண்மையில் நடந்தது. இதில் 73 பேர் தேர்ந்து எடுக்கப்பட்டனர். இவர்களில் ஆண்கள் 16, பெண்கள் 57. 73 பேரில் 37 பேர் கடலூர் மாவட்டத்தினர். 36 பேர் பிற மாவட்டங்களைச் சேர்ந்தவர்கள். இவர்களுக்குப் பணிநியமன ஆணைகளை மாவட்ட ஆட்சியர் திங்கள்கிழமை வழங்கினார்.மாவட்ட வருவாய் அலுவலர் எஸ்.நடராஜன், மாவட்டத் தொடக்கக் கல்வி அலுவலர் விஜயா ஆகியோர் கலந்துகொண்டனர்.
0 கருத்துகள்:
கருத்துரையிடுக