கடலூர், டிச. 14:
தமிழ்நாடு மாநில நுகர்வோர் பாதுகாப்பு கவுன்சில் உறுப்பினராக கடலூர் மாவட்ட நுகர்வோர் பாதுகாப்புப் பேரவை பொதுச் செயலாளர் எம்.நிஜாமுதீன் நியமிக்கப்பட்டு இருக்கிறார்.
இதற்கான உத்தரவை மாநில உணவுத் துறை முதன்மைச் செயலர் கே.சண்முகம் அண்மையில் பிறப்பித்துள்ளார். இந்தக் கவுன்சில் தலைவராக உணவுத் துறை அமைச்சரும், உறுப்பினர் செயலராக உணவுத் துறை செயலரும் இடம்பெற்று உள்ளனர்.
தமிழ்நாடு மின்சார வாரியத் தலைவர், மாசுக் கட்டுப்பாடு வாரியத் தலைவர், பி.எஸ்.என்.எல். தலைமைப் பொது மேலாளர், ஆயுள் காப்பீட்டு நிறுவன மண்டல மேலாளர், வங்கிகளின் ஒருங்கிணைப்பாளர் உள்ளிட்ட பல்வேறு துறைத் தலைவர்கள், அலுவலர்கள், எம்.பி.க்கள் கே.எஸ்.அழகிரி, விஜயன், எம்.எல்.ஏ.க்கள் லதா அதியமான், ராஜேந்திரன், மற்றும் பல்வேறு நுகர்வோர் அமைப்புகளின் தலைவர்கள் மாநில நுகர்வோர் கவுன்சில் உறுப்பினர்களாக இடம் பெற்றுள்ளனர். உறுப்பினர்களின் பதவிக் காலம் 3 ஆண்டுகள் ஆகும். கவுன்சில் ஆண்டுக்கு இருமுறை கூடி நுகர்வோர் பிரச்னைகள் குறித்து விவாதித்து அரசுக்கு பரிந்துரைகளை அளிக்கும்
0 கருத்துகள்:
கருத்துரையிடுக