பண்ருட்டி:
பண்ருட்டி அடுத்த ஒன்றியக் குழுக் கூட்டத்தில் அரசு அதிகாரிகள் பங்கேற்கவில்லை என்றால் வெளிநடப்பு செய்யப்போவதாக ஒன்றியக் கூட்டத்தில் கவுன்சிலர்கள் கூறினர். பண்ருட்டி வட்டம் அண்ணாகிராமம் ஊராட்சி ஒன்றியத்தின் மாதாந்திரக் கூட்டம் அதன் தலைவர் கெüரிபாண்டியன் தலைமையில், துணைத் தலைவர் எம்.சம்மந்தம் முன்னிலையில் அலுவலக வளாகத்தில் வியாழக்கிழமை நடைபெற்றது.
வீரமணி:
பொறியாளர் இல்லாமல் ஏன் கூட்டத்தை நடத்துகின்றீர்கள்.
செல்வராஜ்:
பொறியாளருக்கு கூட்டம் குறித்த தபால் அனுப்பியுள்ளீர்களா. கிராம பகுதியில் தண்ணீர் வசதி செய்வது குறித்து அரசு கடிதம் அனுப்பியுள்ளதாக கூறப்படுகிறது. இதுவரை தலைவருக்கோ, உறுப்பினர்களுக்கோ தெரியப்படுத்தவில்லை.
எம்.சம்மந்தம்:
கூட்டத்தில் பல்வேறு துறைகளைச் சேர்ந்த அரசு அதிகாரிகள் கலந்துகொள்வதில்லை. தொடர்ந்து இந்நிலை நீடித்தால் வெளிநடப்பு செய்வோம். அலுவலக வளாகத்தில் உள்ள திருமண மண்டபம் சமூக விரோதிகளின் கூடாரமாக மாறியுள்ளது.
சுப்பிரமணியன் (பிடிஓ):
சில வேலைகளை வெள்ளிக்கிழமை முடிக்க வேண்டியுள்ளதால் பணி நிமித்தமாக வெளியில் சென்றுள்ளார்.
ராமு:
மைக் வசதி இல்லாததால் கூட்டத்தில் பேசுவது சரியாக கேட்கவில்லை, 4 ஆண்டுகளாக மைக் வாங்கி வைக்க கோரிக்கை வைத்தும் ஏன் நிறைவேற்றவில்லை. அலுவலகத்திற்கு வரும் பொது மக்களுக்கு குடிநீர் வசதி செய்து கொடுக்க வேண்டும்.
சக்கரவர்த்தி:
கூட்டம் தொடங்கும் போது தமிழ்த்தாய் வாழ்த்தும், முடியும் போது தேசிய கீதமும் இசைக்க ஏற்பாடு செய்ய வேண்டும் என கடந்த 4 வருடங்களாக கூறியும் இதுவரை நிறைவேற்றவில்லை
சுப்பிரமணியன் (பிடிஓ):
மைக் மற்றும் தேசிய கீதம் இசைக்க ஏற்பாடு செய்யப்படும். பொது நிதியில் இருந்து குடிநீர் வசதி செய்து கொடுக்கப்படும்.
ரேவதி:
எங்கள் பகுதிக்கு அமரர் ஊர்தி (தள்ளுவண்டி) வேண்டும்.சுப்பிரமணியன்
(பிடிஓ):
அமரர் ஊர்தி எந்த பகுதிக்கு அளிக்கப்பட்டுள்ளது எந்த பகுதிக்கு கொடுக்க வேண்டும் என கணக்கெடுத்து வழங்க நடவடிக்கை எடுக்கப்படும்.
அன்பழகன்:
அலுவலக வளாகத்தில் சமூக விரோதிகள் நடமாட்டம் உள்ளதால் சுற்றுச் சுவர் எழுப்ப வேண்டும். மேலும் குரங்குத் தொல்லை அதிகம் உள்ளதால் அலுவலர்களும், பொது மக்களும் பாதிக்கப்படுகின்றனர். குரங்குகளைப் பிடிக்க நடவடிக்கை எடுக்க வேண்டும்.
சீனுவாசன்:
மாளிகம்பட்டு- எஸ்.கே.பாளையம் சாலையில் மின் விளக்கு இல்லாததால் பொது மக்களும், பள்ளி மாணவர்களும் பாதிக்கப்படுகின்றனர். எனவே மேற்கண்ட சாலையில் மின் விளக்கு அமைக்க வேண்டும்.
ரகுமான்:
அலுவல் பணியாக அலுவலகத்திற்கு வரும் உறுப்பினர்கள் உட்கார வசதி இல்லாததால் நிற்க வேண்டியுள்ளது.
சுப்பிரமணியன் (பிடிஓ):
இவை குறித்து உரிய நடவடிக்கை எடுக்கப்படும்.கூட்டத்தில் வட்டார வளர்ச்சி அலுவலர் (கி.ஊ) தமிழரசி, சுசீலா, ராஜேஸ்வரி, கல்யாணி உள்ளிட்ட உறுப்பினர்கள் கலந்துகொண்டனர்.
பி.டி.எப் கோப்பாக பதிவிறக்கம் செய்ய
0 கருத்துகள்:
கருத்துரையிடுக