கடலூர் மத்திய சிறையிலிருந்து முன்னாள் அமைச்சர் பொன்முடி விடுதலை

 

 

கடலூர்:

             நில அபகரிப்பு வழக்கு தொடர்பாக முன்னாள் அமைச்சர் பொன்முடி கடந்த ஆகஸ்டு 31-ந் தேதி கைது செய்யப்பட்டு கடலூர் மத்திய சிறையில் அடைக்கப்பட்டார். மேலும் ஒரு நில அபகரிப்பு வழக்கு, முதல்-அமைச்சர் ஜெயலலிதாவை அவதூறாக பேசிய வழக்கு உள்பட 2 வழக்குகளிலும் அவர் கைது செய்யப்பட்டார்.

           இதையடுத்து தன்னை ஜாமீனில் விடுதலை செய்ய கோரி சென்னை ஐகோர்ட்டில் தாக்கல் செய்து இருந்தார். இந்த மனு நேற்று முன்தினம் விசாரணைக்கு வந்தது. பொன்முடிக்கு ஜாமீன் வழங்கி கோர்ட்டு உத்தரவிட்டது. இதையடுத்து பொன்முடியின் நிபந்தனை ஜாமீனுக்கான உத்தரவு நகலை விழுப்புரம் தலைமை குற்றவியல் நீதிமன்ற நீதிபதி ஹேமலதா டேனியலிடம் தி.மு.க. வக்கீல்கள் நேற்று பெற்றனர். அந்த உத்தரவு நகலை கடலூர் சிறைத்துறை அதிகாரிகளிடம் வக்கீல்கள் ஒப்படைத்தனர்.  

              இதைத்தொடர்ந்து கடலூர் மத்திய சிறையிலிருந்து செவ்வாய்கிழமை  மாலை 4.15 மணிக்கு பொன்முடி ஜாமீனில் விடுதலை செய்யப்பட்டார். அவரை முன்னாள் அமைச்சர் எம்.ஆர்.கே. பன்னீர்செல்வம், முன்னாள் எம்.எல்.ஏ.க்கள் உதயசூரியன், அங்கையற்கண்ணி, தங்கராசு, ஏ.ஜி.ராஜேந்திரன், ஜனகராஜ் மற்றும் பலர் வரவேற்றனர். சிறையை விட்டு பொன்முடி வெளியே வந்ததும் தி.மு.க. தொண்டர்கள் மற்றும் நிர்வாகிகள் அவருக்கு சால்வை அணிவித்து மகிழ்ச்சியை வெளிப்படுத்தினார்கள்.

பின்னர் முன்னாள் அமைச்சர் பொன்முடி கூறியது

 

                முதல்வகுப்பு சிறைஎன்று கூறிவிட்டு வெளிச்சிறையில் அடைத்து வைத்திருந்தனர் என்று கூறினார். பின்னர் அவர் காரில் விழுப்புரம் புறப்பட்டு சென்றார். நிர்வாகிகள் அவரை அழைத்து சென்றார்கள். கடலூர் ஜெயிலில் முன்னாள் அமைச்சர் பொன்முடி 84 நாட்கள் அடைக்கப்பட்டு இருந்தார். 

 

 

 

 

 

 

 

 

 

 

 

 

 

 

 

 

 

Read more »

கடலூர் மத்திய சிறையில் முன்னாள் அமைச்சர் பொன்முடியுடன் ஸ்டாலின்சந்திப்பு

கடலூர் மத்திய சிறையில் அடைக்கப்பட்டு இருக்கும், முன்னாள் அமைச்சர் பொன்முடியை சந்தித்து விட்டு வெளியே வரும், முன்னாள் துணை முதல்வர் மு.க.ஸ்டாலின்.

கடலூர்:

           அ.தி.மு.க. அரசைக் கண்டித்து சிறை நிரப்பும் போராட்டம் நடத்தப்படும் என்று, முன்னாள் துணை முதல்வர் மு.க. ஸ்டாலின் வெள்ளிக்கிழமை கடலூரில் தெரிவித்தார்.

          நிலம் பறிப்பு புகார் தொடர்பான வழக்கில், முன்னாள் அமைச்சர் பொன்முடி, கைது செய்யப்பட்டு, கடலூர் மத்திய சிறையில் இருக்கிறார். அவரை வெள்ளிக்கிழமை மு.க.ஸ்டாலின் சந்தித்துப் பேசினார்.

பின்னர் சிறை வளாகத்தில் மு.க.ஸ்டாலின் கூறியது: 

           புதிய தலைமைச் செயலகத்தை மருத்துவமனையாக மாற்றுவேன், உலகத்தில் 2-வது பெரிய நூலகமான அண்ணா நூற்றாண்டு நூலகத்தை குழந்தைகள் மருத்துவமனையாக மாற்றுவேன் என்று பல்வேறு அறிவிப்புகளை முதல்வர் ஜெயலலிதா வெளியிட்டு வருகிறார்.போயஸ் தோட்டத்தையும் மனநல மருத்துவமனையாக மாற்றி அறிவித்தாலும் ஆச்சரியப்படுவதற்கு இல்லை.தி.மு.க. ஆட்சியில் கருணாநிதி செயல்படுத்திய மக்கள் நலத் திட்டங்கள் பலவற்றை, அடியோடு நிறுத்தி விட்டார்.துக்ளக் ஆட்சியைப் போல் பல அறிவிப்புகளை வெளியிட்டு வருகிறார். 

           ஹிட்லர் ஆட்சிபோல் 12 ஆயிரம் மக்கள் நலப் பணியாளர்களை பணிநீக்கம் செய்து உத்தரவிட்டு உள்ளார்.அவர்களின் குடும்பங்கள் கண்ணீரும் கம்பளையுமாக உள்ளன. கடந்த முறை மக்கள் நலப்பணியாளர்கள் பணிநீக்கம் செய்யப்பட்டபோது, 70 பேர் தற்கொலை செய்து கொண்டனர். மீண்டும் அந்த அவலம் உருவாகும் நிலை ஏற்பட்டு இருக்கிறது.அவர்கள் நீதிமன்றத்தை நாடியுள்ளனர். எல்லோருக்கும் எதிர்காலத்தில் நியாயம் கிடைக்கும் என்ற நம்பிக்கை நிறைய உள்ளது. இந்த ஆட்சியின் அவலங்களைக் கண்டித்து பலரும் போராட்டம் நடத்தி வருகிறார்கள்.

              தி.மு.க. இளைஞரணி சார்பில் வருகிற 15-ம் தேதி மாவட்ட தலைநகரங்களில் ஆர்ப்பாட்டம் நடத்தப்படுகிறது.அதைத் தொடர்ந்து கட்சித் தலைமையின் அனுமதி பெற்று உண்ணாவிரதம், சிறை நிரப்பும் போராட்டம் உள்ளிட்ட போராட்டங்களை நடத்த ஆலோசித்து வருகிறோம் என்றார் ஸ்டாலின்.அவருடன் முன்னாள் அமைச்சர்கள் எம்.ஆர்.கே. பன்னீர்செல்வம், எ.வ. வேலு, கே.கே.எஸ்.எஸ்.ஆர். ராமச்சந்திரன், மக்களவை உறுப்பினர் ஆதி.சங்கர், முன்னாள் எம்.எல்.ஏ. இள.புகழேந்தி, முன்னாள் நகராட்சித் தலைவர்கள் ஏ.ஜி.ராஜேந்திரன், து.தங்கராசு உள்ளிட்டோர் வந்து இருந்தனர்

Read more »

கடலூர் மத்திய சிறையில் பொன்முடியை மு.க.ஸ்டாலின் சந்தித்தார்

 

 

கடலூர்:
 

       நில அபகரிப்பு வழக்கில் கைது செய்யப்பட்ட முன்னாள் அமைச்சர் பொன்முடியை கைது செய்து கடலூர் மத்திய சிறையில் இருக்கிறார். இவரை முன்னாள் துணை முதல்-அமைச்சரும், தி.மு.க. பொருளாளருமான மு.க.ஸ்டாலின் நேரில் சந்தித்து பேசினார்.

இதன் பின் அவர் பேட்டியளித்தார்

 
கேள்வி: 

 

முன்னாள் அமைச்சர்களுக்கு தொடர்ந்து ஜாமீன் மறுக்கப்பட்டதற்கான காரணம் என்ன?

பதில்: இந்த கேள்வியை முதல்வர் ஜெயலலிதாவிடம் கேட்க வேண்டும்.  

கேள்வி: 

 

         தமிழ்நாட்டில் சட்டமன்ற தேர்தலிலும், உள்ளாட்சி தேர்தலிலும் அதிக இடங்களில் அ.தி.மு.க. வென்று உள்ளது. இதனால் நிர்வாகம் எப்படி இருக்கும் என நினைக்கிறீர்கள்?

பதில்: சட்டமன்ற தேர்தலில் மக்களின் மனமாற்றத்தின் காரணமாக அ.தி.மு.க. அதிக இடங்களை பெற்று இருக்கலாம். ஆனால் உள்ளாட்சி தேர்தலை பொறுத்தவரையில் 50 சதவீதம்பேர் தோற்றவர்கள் வெற்றி பெற்று இருக்கிறார்கள். வெற்றி பெற்றவர்கள் தோற்று இருக்கிறார்கள்.

கேள்வி: 

 

தமிழ்நாட்டில் சட்டமன்ற தேர்தலிலும், உள்ளாட்சி தேர்தலிலும் அதிக இடங்களில் அ.தி.மு.க. பிடித்து இருப்பதால் தமிழக அரசு தவறு செய்தால் யார் தட்டி கேட்பார்கள்?

பதில்: ஏற்கனவே இது சம்மந்தமாக நீதிமன்றத்திற்கு சென்று உள்ளோம். ஆனால் இப்போது கேள்வி கேட்க்க கூடிய இடத்தில் பத்திரிகைகள்தான் உள்ளன.  

கேள்வி: 

 

  உள்ளாட்சி தேர்தலில் அ.தி.மு.க. அதிக இடங்களை பிடித்ததற்கு தேர்தல் ஆணையம் உடந்தையாக இருக்கும் என்று நீங்கள் நினைக்கிறீர்களா?

பதில்: தேர்தல் ஆணையம் மட்டும் உடந்தை இல்லை. ஆட்சியில் உள்ளவர்கள் உடந்தையும் உள்ளது.

இவ்வாறு மு.க.ஸ்டாலின் கூறினார்.

            அப்போது புதுவை முன்னாள் முதல்-அமைச்சர் ஜானகிராமன், முன்னாள் அமைச்சர் எம்.ஆர்.கே. பன்னீர்செல்வம், ஆதி.சங்கர் எம்.பி., முன்னாள் எம்.எல்.ஏ.க்கள் சபா.ராஜேந்திரன், இள.புகழேந்தி, செஞ்சி கண்ணன், உதயசூரியன், குழந்தை தமிழரசன், நந்தகோபால கிருஷ்ணன், முன்னாள் எம்.பி. கணேசன், முன்னாள் நகரமன்ற தலைவர்கள் ஏ.ஜி.ராஜேந்திரன், நகர இளைஞரணி அமைப்பாளர் கே.எஸ்.ராஜா, தங்கராசு, தொ.மு.ச. ராஜா, தங்க ஆனந்தன், பழனி, ஒன்றிய செயலாளர் வெங்கட்ராமன், தலைமை கழக பேச்சாளர் வாஞ்சிநாதன், மாணவரணி அகஸ்டின் உள்பட பலர் உடன் இருந்தனர்.

 

 

 

 

 

 

 

 

 

 

 

 

 

 

 

 

 

 

1 1

Read more »

கடலூர் மத்திய சிறையில் இருந்து முன்னாள் எம்.எல்.ஏ. அன்பில் பெரியசாமி ஜாமீனில் விடுதலை

 

 

கடலூர்: 

         முன்னாள் எம்.எல்.ஏ. அன்பில் பெரியசாமி கடலூர் ஜெயிலில் இருந்து விடுதலையானார்.   திருச்சியில் தி.மு.க. அலுவலக கட்டிடத்துக்கு நில அபகரிப்பு செய்யப்பட்டுள்ளதாக வழக்கு பதிவு செய்யப்பட்டது. இதில் முன்னாள் அமைச்சர் கே.என்.நேரு, முன்னாள் எம்.எல்.ஏ. அன்பில் பெரியசாமி, தொழிலதிபர் சுந்தரராஜூலு ஆகியோர் கைது செய்யப்பட்டு கடலூர் ஜெயிலில் அடைக்கப்பட்டனர்.

            இந்த வழக்கில் ஜாமீன்கோரி திருச்சி கோர்ட்டில் அன்பில்பெரியசாமி, சுந்தரராஜூலு ஆகியோர் மனுதாக்கல் செய்து இருந்தனர்.   நேற்று அந்த மனு மீதான விசாரணை நடந்தது. இதில் 2 பேருக்கும் ஜாமீன் வழங்கப்பட்டது. வருகிற 10-ந் தேதி முதல் ஒரு வாரம் மதுரை கோர்ட்டில் 2 பேரும் தினமும் ஆஜராகி கையெழுத்திடவேண்டும் என்ற நிபந்தனையும் விதிக்கப்பட்டது. அதன்படி நேற்று மாலை கடலூர் ஜெயிலில் இருந்து அன்பில் பெரியசாமியும், சுந்தரராஜூலும் ஜாமீனில் விடுதலையானர்கள்.

பின்னர்  அன்பில் பெரியசாமி கூறியது:-

தி.மு.க. தலைவர் கருணாநிதியின் கட்டளைப்படி செயல்படுவோம். வழக்குகளை சட்டசபடி சந்திப்போம்.  இவ்வாறு அவர் கூறினார்.

Read more »

கடலூர் மத்திய சிறையில் கந்தவேல் என்ற ஆயுள் கைதி கொலை

கடலூர்:

            கடலூர் மத்திய சிறையில் ஆயுள் கைதி, சக கைதியால் புதன்கிழமை நள்ளிரவு அடித்துக் கொலை செய்யப்பட்டார்.  

              கடலூர் மத்திய சிறையில் 830 தண்டனைக் கைதிகளும், 420 விசாரணைக் கைதிகளும் உள்ளனர். ஆயுள் தண்டனைக் கைதிகள் 8-வது பிளாக்கில் தனியாக அடைக்கப்பட்டு உள்ளனர். சில கைதிகள் தனித் தனியாகவும், சில அறைகளில் இருவரும் அடைக்கப்பட்டு உள்ளனர்.  இருவர் அடைக்கப்பட்டிருந்த அறையில் இருந்து, நள்ளிரவு அலறல் சத்தம் கேட்டது. சிறைக் காவலர்கள் அங்கு சென்று பார்த்தபோது, ஒரு கைதி, ரத்த வெள்ளத்தில் துடித்துக் கொண்டு இருந்தார். மற்றொரு கைதி அவர் மீது அமர்ந்து சாப்பாட்டுத் தட்டால் ஓங்கி அடித்துக் கொண்டு இருந்தார்.  

       

                பணியில் இருந்த மற்ற காவலர்கள் அறையைத் திறந்து, தாக்குதலில் ஈடுபட்ட கைதியை அங்கிருந்து இழுத்துச் சென்றனர். பலத்த காயம் அடைந்த கைதியை கடலூர் அரசு மருத்துவமனைக்குக் கொண்டு சென்றனர். ஆனால் வழியிலேயே அவர் இறந்தார்.  இறந்த ஆயுள் தண்டனைக் கைதி, விழுப்புரம் ராஜாகோவில் தெருவைச் சேர்ந்த கந்தவேல் (34) என்று விசாரணையில் தெரியவந்தது. பண்ருட்டி காவல் நிலையத்தில் பதிவான கொலை வழக்கில், இவர் ஆயுள் தண்டனை அடைந்தவர். அவர் 9-4-2007 முதல் கடலூர் மத்திய சிறையில் அடைக்கப்பட்டு இருந்தார். 

             தாக்குதல் நடத்திய கைதி, சென்னை செயின்ட் தாமஸ் மெüன்ட் ராஜபாளையம் தெருவைச் சேர்ந்த அய்யனார் (31). அவர் திருவெண்ணை நல்லூரில் நடந்த கொலை தொடர்பாக ஆயுள் தண்டனை அடைந்தவர். அவர் 16-3-2007 முதல் கடலூர் மத்திய சிறையில் அடைக்கப்பட்டுள்ளார். கந்தவேலை கொன்றது ஏன் என்று விசாரித்தபோது அய்யனார் மௌனம்  சாதித்ததாகக் கூறப்படுகிறது.  கந்தவேலும், அய்யனரும் சிறைக்கு வந்தபின் மன நோயாளிகளாகி விட்டதாகக் கூறப்படுகிறது. இருவருக்கும் சென்னை கீழ்பாக்கம் மருத்துவமனையில் சிகிச்சை அளிக்கப்பட்டதாகவும் தெரிகிறது.  சம்பவம் குறித்து கடலூர் முதுநகர் போலீசார்  வழக்குப் பதிவு செய்து உள்ளனர். கடலூர் கோட்டாட்சியர் விசாரணை நடத்த இருக்கிறார்.

Read more »

கடலூர் சிறையில் திருச்சி மேற்கு தொகுதி இடைத் தேர்தலில் போட்டியிட முன்னாள் அமைச்சர் கே.என்.நேரு வேட்பு மனுவில் கையெழுத்து

கடலூர்:

         கடந்த சட்டசபை தேர்தலில் திருச்சி மேற்கு தொகுதியில் அ.தி.மு.க. வேட்பாளராக போட்டியிட்ட மரியம்பிச்சை வெற்றி பெற்று அமைச்சராக பொறுப்பேற்றார். சென்னைக்கு காரில் சென்றபோது விபத்தில் சிக்கி பலியானார்.  அதையடுத்து திருச்சி மேற்கு தொகுதிக்கான இடைத்தேர்தல் அடுத்தமாதம் 13-ந் தேதி நடைபெறும் என தேர்தல் ஆணையம் அறிவித்தது. நேற்று முன்தினம் வேட்பு மனுதாக்கல் தொடங்கியது.

             இந்த தேர்தலில் அ.தி.மு.க. வேட்பாளராக போட்டியிடும் பரஞ்ஜோதி நேற்று மனுதாக்கல் செய்தார். தி.மு.க. சார்பில் ஏற்கனவே அந்த தொகுதியில் போட்டியிட்டு வெற்றி வாய்ப்பை இழந்த முன்னாள் அமைச்சர் நேரு வேட்பாளராக அறிவிக்கப்பட்டார்.  நேரு நில அபகரிப்பு வழக்கில் கைதாகி கடலூர் சிறையில் அடைக்கப்பட்டுள்ளார்.   அதனைத்தொடர்ந்து கே.என்.நேருவின் வக்கீல்கள் ரமேஷ், பாஸ்கர் ஆகியோர் நேற்று மாலை கடலூர் ஜெயிலுக்கு சென்றனர். சிறை அதிகாரிகள் அனுமதி பெற்று திருச்சி மேற்கு தொகுதி இடைத்தேர்தலில் போட்டியிடுவதற்கான வேட்பு மனுவில் கே.என்.நேருவிடம் கையெழுத்து பெற்று சென்றனர். 

 

 

 

 

 

1 1

Read more »

Proceedings against Cuddalore Prison officials

            The State government has ordered both criminal and departmental proceedings against certain officials of the Central Prison in Cuddalore, who caused the death of a prisoner in 2009. The goverment, by an order dated August 5 this year, had directed the Cuddalore District Collector to take criminal action and the Additional Director General of Police (Prisons) to initiate departmental action against the officials responsible for the death of Amul Babu alias Amul on August 4, 2009.
 

           A copy of the GO was produced before Justice D Hariparanthaman of the Madras HC on Tuesday in connection with a writ petition praying for action against the perpetrators of the crime and seeking adequate compensation to Amul’s family. The order follows a report filed by the inquiry officer stating that Amul’s death was not a case of suicide and that it was a murder, the recommendations of Cuddalore District Collector and a direction from the State Human Rights Commission.

           The accused persons are M Balasubramanian, Sivakozhundhu, Sivaprakash, Mandiramurthy, Ganeshan, M Ramakrishnan, M Maruthapandian, Sekar, Jagannathan, Natarajan and Jayaraman. Amul had been arrested in connection with a case registered by Puliyanthope police and he was lodged in the central prison in Vellore. He was transferred to Cuddalore prison in July, 2009. When Amul, who sustained serious injuries inside the prision, was taken to a hospital, he died on the way on August 4, 2009.

Read more »

கடலூர் மத்திய சிறையில் ஆயுள் கைதிகள் வரையும் அழகிய ஓவியங்கள்

 

கடலூர்:

               கடலூர் ஜெயில் சுவரில் 2 ஆயுள் தண்டனை கைதிகள் நீதிபோதனைகளை எழுதியும், காந்தி, பாரதியார்  கடலூர் ஜெயிலில் தண்டனை கைதிகள் 412 பேரும், விசாரணை கைதிகள் 422 பேரும் அடைக்கப்பட்டுள்ளனர். இதுதவிர தடுப்பு காவல் சட்டத்தில் கைதான 19 பேரும் உள்ளனர். இதில் விழுப்புரம் மாவட்டத்தை சேர்ந்த ஒரு ஆயுள் தண்டனை கைதியும், மற்றொரு ஆயுள் தண்டனை கைதியும் ஓவியம் வரைவதில் கைதேர்ந்தவர்கள்.

                 அவர்கள் 2 பேர் உதவியுடன் கடலூர் ஜெயில் காம்பவுண்டு சுவருக்கு உட்புறமும், வெளிப்புறமும் வெள்ளையடித்து அழகுபடுத்தப்பட்டுள்ளது. இதில் குறிப்பிடத்தக்க அம்சம், சக கைதிகள் மற்றும் பொதுமக்கள் மகிழ்ச்சியாக வாழ்வதற்கான பண்புகள் மற்றம் நீதிபோதனைகளை நயத்துடன் கூடிய வார்த்தைகளால் அந்த 2 கைதிகளும் எழுதியுள்ளனர்.

              இதுதவிர சுமார் 10 அடி உயரத்தில் திருவள்ளுவர், காந்தி, பாரதியார் ஓவியங்களையும் கண்ணை கவரும் வகையில் அழகாக வரைந்துள்ளனர். அந்த வழியாக செல்லும் பொதுமக்கள் நின்று இந்த ஓவியங்களை பார்த்து ரசிப்பதுடன், நீதிபோதனைகளை படித்து மனநிறைவடைந்து பாராட்டி செல்கின்றனர்.

Read more »

Dope-pushers, beware of sniffer dogs in Cuddalore Central Jail

CUDDALORE: 

           Prisons in Tamil Nadu will soon deploy sniffer dogs to prevent smuggling of drugs, mobile phones, explosives and other banned items into the jails by inmates and visitors.

         The department has decided to provide 18 sniffer dogs to nine prisons – Puzhal I and Puzhal II in Chennai, Cuddalore, Vellore, Coimbatore, Salem, Tiruchy, Madurai and Palayamkottai. Each prison will get two sniffer dogs — one to detect explosives and other to detect drugs. Eight dogs are being trained at the Chennai police dog squad while another 10 are being trained in Coimbatore along with the handlers from respective prisons. The dogs will be handed over to the prison authorities across the state by the end of the year.

Read more »

நில அபகரிப்பு வழக்கில் கைது செய்யப்பட்ட பொன்முடி கடலூர் மத்திய சிறைக்கு வந்தடைந்தார்

 

கடலூர்

             நில அபகரிப்பு வழக்கில் கைதான முன்னாள் அமைச்சர் பொன்முடியை திண்டிவனத்தில் இருந்து போலீசார் பலத்த பாதுகாப்புடன் புதுச்சேரி வழியாக கடலூர் மத்திய சிறைக்கு அழைத்து வந்தனர். ஆனால் கடலூர்- ராமாபுரம் செல்லும் சாலையில் உள்ள மத்திய சிறையின் நுழைவு பகுதியில் ஏற்கனவே அங்கே பாதுகாப்புக்காக நின்று கொண்டிருந்த போலீசார் வேனை குறுக்கே நிறுத்தி பொன்முடியை வழி மறித்தனர்.

                 இதனால் பொன்முடியை அழைத்து வந்த போலீசாரும் வேனை நுழைவு பகுதியிலேயே நிறுத்தினர். நிர்வாக காரணங்களை கூறி, கடலூர் மத்திய சிறையில் உங்களை அடைக்க முடியாது என்று பொன்முடியிடம் போலீசார் தெரிவித்தனர். இதைக் கேட்டு ஆத்திரம் அடைந்த அவர் வேனை விட்டு கீழே இறங்கி வந்து நான் இங்குதான் இருப்பேன் என்று போலீசாரிடம் கூறிவிட்டு அங்கேயே நின்று கொண்டிருந்தார். பின்னர் பொன்முடி  பேட்டி அளித்தார். 

 அப்போது பொன்முடிகூறியது:-  

                 என்னை மதியம் 1.45 மணிக்கு கைது செய்து திண்டிவனம் கோர்ட்டுக்கு அழைத்து சென்றார்கள். அப்போது நீதிபதியிடம் நான் இருதய நோயாளியாக இருப்பதால் மருத்துவ காரணங்களை கூறி, என்னை கடலூர் சிறையில் அடைக்க வேண்டும் என்று தெரிவித்தேன். அதற்கான மருத்துவ சான்றிதழ்களையும் காண்பித்தேன்.  இதையெல்லாம் பார்த்துவிட்டு வாரண்டில் உள்ள சேலம் மத்திய சிறை என்பதை பேனாவால் அடித்து விட்டு கடலூர் மத்திய சிறையில் அடைக்க நீதிபதி உத்தரவிட்டார். ஆனால் இங்கே வந்த பின்னர் நிர்வாக காரணங்களை கூறி என்னை கடலூர் சிறையில் அடைக்க இயலாது என்று போலீசார் கூறுகின்றனர்.   எனக்கு ஏதாவது பிரச்சினை ஏற்பட்டால் அதற்கு போலீசார் தான் காரணம்.

             இங்கு இருந்தபடியே என்னை டாக்டரிடம் அழைத்துச்செல்லுங்கள். நான் இங்கேயே இருந்து சாவேனே தவிர சேலம் மத்திய சிறைக்குபோக மாட்டேன். எனக்கு நிகழ்ந்த இந்த சம்பவம் குறித்து தேசிய மனித உரிமை ஆணையத்திடம் புகார் தெரிவிப்பேன். இவ்வாறு அவர் கூறினார்.   இதைத் தொடர்ந்து பொன்முடி நுழைவுபகுதியில் இருந்து தொண்டர்கள் புடை சூழ மத்திய சிறைநோக்கி நடந்து வந்தார். அப்போது பொன்முடி மற்றும் அவரது உறவினர்கள், வக்கீல்கள் ஆகியோரை மட்டும் சிறையின் முன்புள்ள மெயின் கேட்டுக்குள் அனுமதித்தனர்.

                சிறையின் மெயின் கதவு அருகில் உள்ள திண்ணையில் பொன்முடி மட்டும் அமர்ந்து இருந்தார். சுமார் 1 மணி நேரத்துக்கு பின்னர் பொன்முடியை சிறையில் அடைப்பதற்கு அதிகாரிகள் அனுமதித்து அவரை உள்ளே அழைத்து சென்றனர்.   

Read more »

முன்னாள் தி.மு.க.அமைச்சர் கே.என்.நேரு கடலூர் மத்திய சிறைக்கு மாற்றம்

             

           அன்பில் பெரியசாமி

          

                  கடந்த திமுக ஆட்சியில் போக்குவரத்துத்துறை அமைச்சராக இருந்த கே.என்.நேரு இன்று (25.08.2011) காலை கைது செய்யப்பட்டார். கே.என்.நேருவுடன் திமுக முன்னாள் எம்எல்ஏ அன்பில் பெரியசாமியும் கைது செய்யப்பட்டார். லட்சுமி சில்க்ஸ் உரிமையாளர் சுந்தரராஜூலு, மாமுண்டி ஆகியோரும் கைது செய்யப்பட்டனர்.

               கே.என்.நேரு உட்பட கைதான 4 பேரும் மாஜிஸ்டிரேட் புஷ்பராணி முன் ஆஜர்படுத்தப்பட்டனர். மாஜிஸ்ரேட் உத்தரவுப்படி கே.என்.நேரு உள்பட 4 பேரும் 15 நாள் காவலில் திருச்சி சிறைக்கு கொண்டு வரப்பட்டனர். அப்போது அவர்களை வேனில் இருந்து இறக்காமல் ஆலோசனை செய்த போலீசார், அவர்களை கடலூர் சிறைக்கு கொண்டு செல்ல திட்டமிட்டனர். இதையடுத்து கடலூர் சிறைக்கு அவர்களை கொண்டு சென்றனர். 

Read more »

கடலூர் மத்திய சிறைக்கு மோப்ப நாய் பிரிவு தொடக்கம்

கடலூர்:

 

           கடலூர் மத்திய சிறையில் மோப்பநாய் பிரிவு தொடங்கப்பட்டு உள்ளது. பயிற்சி முடிந்ததும் மோப்ப நாய்கள் விரைவில் கடலூர் சிறைக்கு வரஇருக்கின்றன.

             தமிழகத்தில் உள்ள 9 சிறைகளில் கடலூர் மத்திய சிறையும் ஒன்று. இங்கு தீவிரவாதிகள், ஆயுள் கைதிகள் உள்ளிட்ட 1,500 கைதிகள் உள்ளனர். சிறைகளில் உள்ள கைதிகளிடம் அண்மைக்காலமாக கஞ்சா, பான்பராக், புகையிலை உள்ளிட்ட போதைப் பொருள்கள் நடமாட்டம் அதிகரித்து உள்ளது. செல்போன்கள் சட்ட விரோதமாகப் பயன்படுத்தப்படுவதும் அவ்வப்போது கண்டறியப்பட்டு வருகிறது.

           எனவே இவற்றை ஒழிக்க மத்திய சிறைகளில் மோப்பநாய் கண்காணிப்புப் பிரிவு தொடங்க, தமிழக அரசு முடிவு செய்தது. கடந்த பிப்ரவரி மாதம் கடலூர், வேலூர், சென்னை புழல் சிறைகளில் மோப்பநாய் கண்காணிப்புப் பிரிவு தொடங்கப்பட்டது. கடலூர் மத்திய சிறை மோப்ப நாய் கண்காணிப்புப் பிரிவுக்கு பாரத், ரீனா என்ற இரு மோப்பநாய் குட்டிகள் வாங்கப்பட்டு, அவற்றுக்கு சென்னையில் பயிற்சி அளிக்கப்பட்டு வருகிறது. மோப்ப நாய்களைக் கையாளும் சிறைக் காவலர்களுக்கும் சிறப்பு பயிற்சி அளிக்கப்பட்டு வருகிறது.

           பயிற்சி முடிந்து கடலூர் மத்திய சிறையில், மோப்பநாய் கண்காணிப்புப் பிரிவு செயல்படத் தொடங்கும் என்று எதிர்பார்க்கப்படுகிறது. மோப்பநாய் கண்காணிப்புப் பிரிவுக்காக கடலூர் மத்திய சிறையில் ரூ. 2 லட்சத்தில் புதிய கட்டடம் கட்டப்பட்டு இருப்பதாகவும், அனேகமாக நவம்பர் மாதத்தில் மோப்ப நாய்ப் பிரிவு செயல்படும் என்றும் சிறைத்துறை அதிகாரி ஒருவர் தெரிவித்தார்.

Read more »

நாவரசு கொலை வழக்கில் ஜான்டேவிட் தனி அறையில் அடைப்பு

            மருத்துவக்கல்லூரி மாணவர் நாவரசு கொலை வழக்கில் இரட்டை ஆயுள் தண்டனை பெற்ற குற்றவாளி ஜான் டேவிட் கடலூர் மத்திய சிறையில் தனி அறையில் அடைக்கப்பட்டுள்ளார்.

ஜெயிலில் அவரது நடவடிக்கைகள் பற்றி அதிகாரி ஒருவர் கூறியது: 

             ஜான்டேவிட் ஒரு பிரபலமான கைதியாக கருதப்படுகிறார். இதனால் அவரை கடலூர் மத்திய ஆண்கள் ஜெயிலில் சென்ட்ரல் பிளாக்கில் தனி அறையில் அடைத்துள்ளோம். இதுபோன்ற பிரபலமான கைதிகளை சில நாட்கள் தனிமை சிறையில்தான் அடைப்பது வழக்கம். ஏனென்றால் மற்ற கைதிகள் அவரோடு எப்படி பழகுகிறார்கள் என்பதை தீர்மானித்த பிறகுதான், மற்ற கைதிகளோடு அடைப்பதற்கு நடவடிக்கை எடுக்கப்படும். அந்த வகையில்தான் ஜான்டேவிட்டை தனி அறையில் அடைத்துள்ளோம்.

               அவர் ஜெயிலுக்கு வந்தவுடன் முகத்தில் எந்தவிதமான கவலையையோ, பயத்தையோ காட்டவில்லை. சர்வசாதாரணமாகவும், இயல்பாகவும் காணப்பட்டார். ஜெயிலில் வழங்கப்படும் சாப்பாட்டை நன்றாக சாப்பிடுகிறார். இரவிலும் நன்றாக தூங்குகிறார். மற்ற கைதிகள் அவரிடம் ஏதாவது பேசினால் சிரிப்பை மட்டுமே பதிலாக காட்டுகிறார். இரவில் தூங்குவதற்கு முன்பு பைபிள் படிக்கிறார். நாங்கள் எதிர்பார்த்ததுபோல் இல்லாமல் அவர் மிகவும் இயல்பாக காணப்படுகிறார் என்று அந்த அதிகாரி தெரிவித்தார்.

Read more »

கடலூரில் இருந்து சென்னை ஆஸ்பத்திரிக்கு பிரேமானந்தா மாற்றம்

கடலூர்:

                 பிரேமானந்தா சாமியார் இரட்டை ஆயுள் தண்டனை கைதியாக கடலூர் மத்திய ஜெயிலில் அடைக்கப்பட்டுள்ளார். இவருக்கு கடந்த 3 மாதங்களுக்கு முன்பு கல்லீரலில் பாதிப்பு ஏற்பட்டதால் உடல் நலம் குன்றியது. எனவே தனியார் ஆஸ்பத்திரியில் சிகிச்சை பெற தனக்கு 3 மாதம் பரோலில் அனுமதி வேண்டும் என்று கோர்ட்டில் அனுமதி கேட்டார்.

                கோர்ட்டு உத்தரவுபடி அவர் 3 மாதம் கடலூர் மஞ்சக்குப்பத்தில் உள்ள தனியார் ஆஸ்பத்திரியில் சிகிச்சை பெற்று வந்தார். அதன்பின்னர் பரோல் முடிந்ததும் கடந்த 10-ந் தேதி கடலூர் ஜெயிலில் அடைக்கப்பட்டார். இதனிடையே கடந்த 11-ந் தேதி அவருக்கு மூச்சு திணறல் ஏற்பட்டது. நிலைமை மோசமானதால் உடனடியாக பிரேமானந்தா சாமியார் கடலூர் அரசு ஆஸ்பத்திரியில் தீவிர சிகிச்சை பிரிவில் அனுமதிக்கப்பட்டார்.அங்கு கடந்த 4 நாட்களாக சிகிச்சை பெற்று வந்தார்.

                   நேற்று  காலை அவரது நிலைமை மேலும் மோசமானது. இதை அடுத்து பிரேமானந்தா சாமியார் சென்னை ஆஸ்பத்திரிக்கு மாற்றப்பட்டார்.

1 1

Read more »

மரத்தில் ஏறி ஆயுள் கைதிகள் தற்கொலை மிரட்டல் :கடலூர் மத்திய சிறையில் பரபரப்பு

கடலூர் : 

          

               கடலூர் மத்திய சிறையில், ஆயுள் கைதிகள் மூன்று பேர் அடுத்தடுத்து  கட்டடம் மற்றும் மரத்தின் மீது ஏறி, தற்கொலை மிரட்டல் விடுத்ததால் பரபரப்பு ஏற்பட்டது. கடலூர் கேப்பர்மலையில் உள்ள மத்திய சிறையில், தண்டனை மற்றும் விசாரணைக் கைதிகள் என 734 பேர் உள்ளனர். தண்டனை கைதிகளுக்கு இடையே அடிக்கடி தகராறு ஏற்பட்டு வருவதைத் தொடர்ந்து, சிறை நிர்வாகம் கடும் கட்டுப்பாடு விதித்துள்ளது. 

                     வெளியிலிருந்து உணவு மற்றும் தின்பண்டங்கள் கொண்டு வர தடை விதித்ததற்கு, கைதிகள் மத்தியில் எதிர்ப்பு எழுந்தது. இந்நிலையில், கடந்த 23ம் தேதி கைதிகளுக்கு வழங்கிய உணவில் பல்லி இறந்து கிடந்தது. இதுகுறித்து ஆயுள் கைதிகளான மிட்டாய் சுரேஷ், பாம் கணேசன், பிரகாஷ் ஆகியோர் சிறை அதிகாரிகளிடம் வாக்குவாதம் செய்தனர். தரமான உணவு வழங்கக் கோரி உண்ணாவிரதம் மேற்கொண்டனர். அவர்களுக்கு ஆதரவாக, மேலும் சில ஆயுள் கைதிகள் உண்ணாவிரதத்தில் ஈடுபட்டனர். போராட்டத்தில் ஈடுபட்ட ஆயுள் கைதிகள், நேற்று முன்தினம் தனிமை சிறைக்கு மாற்றப்பட்டனர்.

                         இதனைக் கண்டித்து, நேற்று காலை 6.45 மணிக்கு சென்னையைச் சேர்ந்த ஆயுள் கைதி கண்ணன் (28) சிறை வளாகத்தில் உள்ள மரத்தில் ஏறி அங்கிருந்து கட்டடத்தின் உச்சிக்கு சென்று, ""தனிமைச் சிறைக்கு மாற்றப்பட்ட ஆயுள் கைதிகளை பொது வார்டிற்கு மாற்ற வேண்டும்; சரியான அளவில் உணவு வழங்க வேண்டும்'' என, கோஷம் எழுப்பி, தன்னைத் தானே பிளேடால் கிழித்து, தற்கொலை மிரட்டல் விடுத்தார். இதனால், சிறை வளாகத்தில் பரபரப்பு ஏற்பட்டது. சிறை அதிகாரிகள் பேச்சுவார்த்தை நடத்தி காலை 10.30 மணிக்கு கட்டடத்தில் இருந்து கீழே இறக்கினர். அவர் உடலில் பல இடங்களில் பிளேடால் கிழித்த காயம் இருந்ததால் சிறை மருத்துவமனையில்  அனுமதிக்கப்பட்டார்.

                             இந்த பரபரப்பு அடங்கிய சற்று நேரத்தில், சென்னையைச் சேர்ந்த ஆயுள் கைதி  மகேஷ் (28), திட்டக்குடி சங்கர் என்கிற ஆணி சங்கர் (24) ஆகியோர் இதே கோரிக்கையை வலியுறுத்தி, காலை 11 மணிக்கு சிறை வளாகத்தில் உள்ள அரச மரத்தின் உச்சியில் ஏறி, தற்கொலை மிரட்டல் விடுத்தனர். மீண்டும் சிறையில் பரபரப்பும் பதட்டமும் உண்டானது. தகவலறிந்த கடலூர் தாசில்தார் மோகன், டி.எஸ்.பி., மகேஷ்வரன், சிறை கண்காணிப்பாளர் ஆனந்த், ஜெயிலர் வேணுகோபால் ஆகியோர் மரத்தில் ஏறி மிரட்டிய கைதிகளை சமாதானப்படுத்தியதால், 12.15 மணிக்கு கீழே இறங்கினர்.  "சிறையில் சாப்பாடு ஒழுங்காக தருவதில்லை. அடித்து துன்புறுத்துகின்றனர்' என, தாசில்தாரிடம் கைதிகள் புகார் தெரிவித்தனர். எழுத்துப்பூர்வமாக புகார் அளித்தால் நடவடிக்கை எடுப்பதாக தாசில்தார் தெரிவித்தார். இதனையடுத்து அதிகாரிகளின் விசாரணை மதியம் 2 மணிக்கு மேலும் தொடர்ந்தது.

                                இந்நிலையில், மாலை 3.30 மணிக்கு ஆர்.டி.ஓ., முருகேசன் சிறைக்குச் சென்று கைதிகளிடம் விசாரணை மேற்கொண்டார். அப்போது, பார்வையாளர்கள், சிறையில் உள்ள தங்கள் உறவினர்களை பார்க்க அனுமதிக்கக் கோரி சிறைக் காவலர்களிடம் வாக்குவாதம் செய்தனர். இதைத் தொடர்ந்து ஆர்.டி.ஓ.,வின் சிறப்பு அனுமதி பெற்று, மாலை 5.05 மணிக்கு பார்வையாளர்கள், கைதிகளைப் பார்க்க அனுமதிக்கப்பட்டனர். அனைவரும் மாலை 6.20 மணிக்கு வெளியேற்றப்பட்டனர்.

Read more »

கடலூர் மாவட்ட வட்டாரப் போக்குவரத்து அலுவலகத்துக்கு 1.37 கோடியில் சொந்தக் கட்டடம்

கடலூர்:

                         கடலூர் மாவட்ட வட்டாரப் போக்குவரத்து அலுவலகத்துக்கு  1.37 கோடியில் சொந்தக் கட்டடம் கட்டப்பட்டு உள்ளது. இதன் திறப்பு விழா இம்மாத இறுதியில் நடைபெற இருக்கிறது. கடலூரில் பல்வேறு இடங்களில் வாடகைக் கட்டடத்தில் இயங்கி வந்த வட்டாரப் போக்குவரத்து அலுவலகத்துக்கு, சொந்தக் கட்டடம், கேப்பர் மலையில் உள்ள மத்திய சிறைச் சாலை அருகே, விசாலமான இடத்தில் கட்டப்பட்டு உள்ளது.

                       இதன் தரைத் தளத்தில் வட்டாரப் போக்குவரத்து அலுவலரின் அறை, அலுவலகம், மற்றும் பணம் செலுத்தும் கெüண்டர்கள் அமைந்து இருக்கும். முதல் தளத்தில் கூட்ட அரங்கம், மற்றும் ஸ்மார்ட் கார்டு தயாரிக்கும் பகுதி அமைந்திருக்கும் வகையில் கட்டப்பட்டு உள்ளது.அலுவலகத்தின் அருகே வாகனங்களை இயக்கிக் காண்பிக்கும் மைதானம்,  40 லட்சத்தில் ஏற்கெனவே அமைக்கப்பட்டு இருக்கும் போக்குவரத்து பயிற்சி பூங்கா ஆகியவை அமைந்துள்ளன.இம்மாத இறுதியில் இக்கட்டடம் திறக்கப்பட இருப்பதை முன்னிட்டு, வியாழக்கிழமை வட்டாரப் போக்குவரத்து அலுவலர் ஜெயக்குமார், பொதுப்பணித் துறை செயற்பொறியாளர் மனோகரன் ஆகியோர் ஆய்வு செய்தனர்.

Read more »

அண்ணா பிறந்த நாள்: கடலூரில் 4 சிறைக் கைதிகள் விடுதலை

கடலூர்:

               அண்ணா பிறந்த நாளை முன்னிட்டு அரசு உத்தரவின் பேரில், கடலூர் மத்திய சிறையில் இருந்து புதன்கிழமை விடுதலையான 4 பேரும் தமிழக முதல்வருக்கு நன்றி தெரிவித்தனர்.

                   கடலூர் மத்திய சிறையில் இருந்து விழுப்புரம் மாவட்டம் உளுந்தூர்பேட்டை தேவராயன் (71), நாகை மாவட்டம் வேதாரண்யம் முருகையா (78), அதே ஊர் சுப்பிரமணியன் (75), திருவாரூர் மாவட்டம் நீடாமங்கலம் பக்கிரிசாமி (88) ஆகியோர் புதன்கிழமை காலை 7 மணிக்கு விடுதலை செய்யப்பட்டனர்.சிறையில் இருந்து வெளியான இவர்கள் சிறைச் சாலைக்கு வெளியே அலங்கரித்து வைக்கப்பட்டு இருந்த அண்ணா படத்துக்கு மரியாதை செலுத்தினர். 4 பேரும் கொலை வழக்குகளில் ஆயுள் தண்டனை பெற்றவர்கள். 

கடலூர் மத்திய சிறையில் இருந்து கடலூர் மத்திய சிறையில் இருந்து அவர்கள்  கூறுகையில், 

                      விடுதலை செய்யப்பட்டதற்காக தமிழக முதல்வருக்கு நன்றி தெரிவிக்கிறோம் என்றனர்.தங்களுடன் தண்டனை பெற்ற தங்கள் மகன்கள் மற்றும் உறவினர்களும் சிறையில் உள்ளனர். அவர்களையும் கருணை அடிப்படையில் விடுதலை செய்ய வேண்டும் என்றும் அவர்கள் கோரினர்.

Read more »

கடலூர் மத்திய சிறையில் பாரதியார் நினைவு தினம்

கடலூர்:

                      கடலூர் கேப்பர் மலையில் உள்ள மத்திய சிறைச் சாலையில் மகாகவி பாரதியார் நினைவு தினம் சனிக்கிழமை அனுசரிக்கப்பட்டது.  இந்திய விடுதலைக்காக தனது எழுத்துக்கள் மூலம், மாபெரும் எழுச்சியை ஏற்படுத்தியவர் மகாகவி பாரதியார். எனவே அவரை பிரிட்டிஷ் அரசு கைது செய்ய முயன்றபோது பாரதியார், பிரெஞ்சு ஆட்சிக்குள் இருந்த புதுவைக்கு வந்து, தனது எழுச்சிமிகு எழுத்துப் பணியைச் செய்துவந்தார். ஒருமுறை தமிழகப் பகுதிக்கு வந்த பாரதியாரை ஆங்கிலேய அரசு கைது செய்து கடலூர் மத்திய சிறையில் அடைத்தது. பாரதியார் கடலூர் சிறையில் 20-11-1918 முதல் 14-12-1918 வரை சிறைவாசம் அனுபவித்ததாக, சிறைச்சாலைக் குறிப்புகள் தெரிவிக்கின்றன.  எனவே பாரதியாருக்கு கடலூர் மத்திய சிறையில் சிலை வைக்கப்பட்டு உள்ளது. 

                          பாரதியார் அடைக்கப்பட்டு இருந்த அறை இரு ஆண்டுகளுக்கு முன் நூலகமாக மாற்றப்பட்டு உள்ளது. சனிக்கிழமை பாரதியார் நினைவு தினத்தை முன்னிட்டு அவரது சிலைக்கு, சிறைச்சாலைக் கண்காணிப்பாளர் மாலை அணிவித்து மரியாதை செலுத்தினார். சிறை அலுவலர் (பொறுப்பு) வேணுகோபால் மற்றும் சிறைக் காவலர்களும் மலர் தூவி மரியாதை செலுத்தினர்.÷சிறைச் சாலைக்குள் உள்ள அவரது நினைவு அறைக்குச் சென்று பாரதியார் படத்துக்கும் மாலை அணிவித்தனர்.

Read more »

கடலூர் மத்திய சிறையில் கைதிகள் மோதல்

கடலூர் :  

               கடலூர் மத்திய சிறையில் கைதிகளுக் குள் ஏற்பட்ட மோதல் தொடர்பாக போலீசார் வழக்குப் பதிந்து விசாரித்து வருகின்றனர்.

               புதுச்சேரி மாநிலம் தவளக்குப்பத்தைச் சேர்ந்தவர் சதீஷ் (24). கடலூர் அடுத்த மேல் பட்டாம்பாக்கத்தை சேர்ந்தவர் பாரூக் (27). இருவரும் வெவ்வேறு திருட்டு வழக்கில் கைதாகி கடலூர் மத் திய சிறையில காவலில் உள்ளனர். நேற்று முன்தினம் சிறையில் உள்ள விசாரணைக் கைதிகளை அவரவர் வார்டுகளை சுத்தம் செய்யுமாறு சிறைக் காவலர்கள் கூறினர்.

                     வார்டை சுத்தம் செய்த போது சதீஷ் மற்றும் பாரூக் இடையே தகராறு ஏற்பட்டது. ஆத்திரமடைந்த சதீஷ் அறையில் இருந்த மாத்திரை பிளாஸ்டிக் அட்டையைக் கொண்டு பாரூக்கை தாக்கினர். அதில் அவர் படுகாயமடைந்தார். சிறைக் காவலர்கள் விரைந்து வந்து பாரூக்கை சிறை மருத்துவமனையில் சேர்த்தனர். இந்த சம்பவம் குறித்து சிறை அலுவலர் வேணுகோபால் கொடுத்த புகாரின் பேரில் கடலூர் முதுநகர் போலீசார் வழக்கு பதிந்து விசாரித்து வருகின்றனர்.

Read more »

பிரேமானந்தாவுக்கு சிகிச்சை: பரோல் ஒரு மாதம் நீடிப்பு

கடலூர்:

  

           மருத்துவச் சிகிச்சைக்காக பிரேமானந்தாவின் பரோல் மேலும் ஒருமாதம் நீடிக்கப்பட்டு உள்ளது.

          திருச்சி விராலிமலையில் ஆசிரமம் நடத்தியபோது கொலை, கற்பழிப்பு வழக்குகளில் சிக்கிய, பிரேமானந்தாவுக்கு இரட்டை ஆயுள் சிறைத் தண்டனை விதிக்கப்பட்டு உள்ளது. உச்ச நீதிமன்றத்தில் அவரது மேல்முறையீட்டு மனுக்கள் தள்ளுபடி செய்யப்பட்டன.  அவர் கடந்த 16 ஆண்டுகளாக கடலூர் மத்திய சிறையில் தண்டனையை அனுபவித்து வருகிறார். சிறைத்தண்டனை காலத்திலும் பிரேமானந்தா அடிக்கடி பரோலில் ஆசிரமத்துக்குச் சென்று வருகிறார். அவரது சீடர்கள் பலரும் சிறைச்சாலைக்கு வந்து அவரை வணங்கிச் செல்கிறார்கள்.

           இந்த நிலையில் பிரேமானந்தாவுக்கு சர்க்கரை நோய், உயர் ரத்த அழுத்தம், கண்பார்வைக் கோளாறு, சிறுநீரகப் பாதிப்பு உள்ளிட்ட பல்வேறு வியாதிகள் இருப்பதாகக் கூறப்படுகிறது. சிறுநீரகக் கோளாறு உள்ளிட்ட நோய்களுக்கு அவர் தனியார் மருத்துவமனையில் சிகிச்சைப் பெற விரும்பியதால், சென்னை உயர் நீதிமன்றத்தை நாடி பரோலில் செல்ல அனுமதி கோரினார். அவருக்கு ஒருமாதம் பரோலில் செல்ல நீதிமன்றம் அனுமதி அளித்தது. எனவே கடலூர் தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார். செவ்வாய்க்கிழமை ஒருமாத பரோல் காலம் முடிவடைந்தது. அவருக்கு மேலும் மருத்துவச் சிகிச்சை தேவைப்படுவதால், பரோலை மேலும் ஒரு மாதம்  நீடிக்க, சிறைத்துறை மூலமாக தமிழக அரசிடம் பிரேமானந்தா மனு அளித்து இருந்தார்.  தொடர்ந்து மருத்துவச் சிகிச்சை பெறும் வகையில் அவருக்கு மேலும் ஒருமாதம் பரோல் நீடிக்கப்பட்டு உள்ளது.

Read more »