விருத்தாசலம்:
விருத்தாசலத்தில் மனித உரிமை கட்சி சார்பில் சாலைமறியல் போராட்டம் வெள்ளிக்கிழமை நடைபெற்றது. கம்மாபுரம் ஒன்றியத்துக்கு உள்பட்ட கோ.பொன்னேரி, கோ.மாவிடந்தல் கிராமத்தைச் சேர்ந்த ஆதிதிராவிட மக்கள் கடந்த 20-வது ஆண்டுகளாக மனைப்பட்டா கேட்டு போராடி வருகிறார்கள். இதுகுறித்து நடவடிக்கை எடுக்காத அரசு அதிகாரிகளைக் கண்டித்தும், மனைப்பட்டா வழங்கக்கோரியும் மனித உரிமை கட்சி சார்பில் சிதம்பரம் சாலை வளைவில் சாலை மறியல் போராட்டம் நடைபெற்றது. பின்னர் கட்சியின் நிறுவனத் தலைவர் விஸ்வநாதனிடம் வட்டாட்சியர் ஜெயராமன் பேச்சுவார்த்தை நடத்தினார். இதனைத் தொடர்ந்து பொதுமக்கள் கலைந்து சென்றனர். போராட்டத்தில் கடலூர் மாவட்ட செயலர் லட்சுமணன் தலைமை தாங்கினார். பாலு, ராஜிவ்காந்தி, வீரமுத்து, பஞ்சநாதன், விஜயலட்சுமி, மகாலட்சுமி உள்பட பலர் கலந்துகொண்டனர்.
0 கருத்துகள்:
கருத்துரையிடுக