விருத்தாசலம்:
விருத்தாசலத்தில் பா.ம.க. சார்பில் தனியார் பள்ளிகளின் கட்டண கொள்ளையைக் கண்டித்து வியாழக்கிழமை கண்டன ஆர்ப்பாட்டம் நடைபெற்றது.
வட்டாட்சியர் அலுவலகம் எதிரே நடந்த ஆர்ப்பாட்டத்தில், மாநில சொத்து பாதுகாப்புக் குழுத் தலைவர் மருத்துவர் கோவிந்தசாமி, மாவட்டச் செயலர் செல்வராசு ஆகியோர் தனியார் பள்ளிகளில் வசூலிக்கப்படும் கட்டணக் கொள்ளை குறித்து பேசினர்.ஆர்ப்பாட்டத்துக்கு, விருத்தாசலம் நகரச் செயலர் முருகன் தலைமை ஏற்றார், பா.ம.க. நகர்மன்ற உறுப்பினர்கள் மதியழகன், பாபு, நகரத் தலைவர் சீனு, ஒன்றியச் செயலர்கள் வெங்கடேசன், ராஜவேல், உத்தண்டி, செல்வக்குமார் உள்பட பலர் கலந்து கொண்டனர். நகர துணைச் செயலர் மணிகண்டன் நன்றி கூறினார்.
0 கருத்துகள்:
கருத்துரையிடுக