பரங்கிப்பேட்டை :
பரங்கிப்பேட்டை அருகே மயான சாலையை தார் சாலையாக மாற்றித் தர கலெக்டருக்கு பொதுமக்கள் கோரிக்கை வைத்துள்ளனர். பரங்கிப்பேட்டை ஊராட்சிக்குட்பட்ட பூவாலை மேற்கு பகுதி மக்களுக்கு தனியாக மயானம் உள்ளது. மயானத்திற்குச் செல்லும் சாலையை நான்கு ஆண்டுகளுக்கு முன் மெட்டல் சாலையாக போடப்பட்டது. தற்போது சாலையில் கற்கள் பெயர்ந்து மக்கள் நடக்க முடியாத அளவிற்கு மிகவும் மோசமாக உள்ளது. மேலும் விவசாயிகள் இந்த சாலை வழியே டிராக்டர் மூலம் உழவு ஓட்டுவதற்கும், உரம் போன்ற பொருள்களை எடுத்து செல்லவும் பயன்படுத்துகின்றனர். எனவே பொதுமக்கள் மற்றும் விவசாயிகளின் நலன்கருதி தார்சாலை அமைக்க வேண்டும்.
0 கருத்துகள்:
கருத்துரையிடுக