பொறியியல் படிப்புகளுக்கான தரவரிசைப் பட்டியலை உயர்கல்வித்துறை அமைச்சர் பொன்முடி வெளியிட்டார்.
தரவரிசைப் பட்டியலில் பல்லடத்தைச் சேர்ந்த நந்தகுமார் முதல் இடத்தைப் பெற்றுள்ளார். ஈரோட்டைச் சேர்ந்த அபிநயா இரண்டாமிடத்தையும், சேலம் ஆத்தூரைச் சேர்ந்த சரவணன் மூன்றாமிடத்தையும் பெற்றுள்ளனர். கட்-ஆஃப் மதிப்பெண்களில் 29 மாணவர்கள் 200க்கு 200 மதிப்பெண்கள் பெற்றுள்ளனர். தரவரிசைப் பட்டியலை வெளியிட்ட அமைச்சர், பொறியியல் படிப்புகளுக்கு திட்டமிட்டபடி கலந்தாய்வு நடத்த அனைத்து ஏற்பாடுகளையும் தமிழக அரசு செய்துவருவதால் மாணவர்கள் கவலை அடையத் தேவையில்லை எனக் குறிப்பிட்டார். பொறியியல் படிப்புகளுக்கு விண்ணப்பித்தவர்களில் 1,62,506 விண்ணப்பங்கள் தகுதி உடையதாக இருப்பது கண்டறியப்பட்டதாக அமைச்சர் தெரிவித்தார். பட்டியல் வெளியீட்டு நிகழ்ச்சியில் உயர்கல்வித் துறை முதன்மைச் செயலர் கணேசன், தொழில்நுட்பக் கல்வி ஆணையர் குமார்ஜெயந்த், அண்ணா பல்கலைக்கழக துணைவேந்தர் மன்னர் ஜவஹர் உள்ளிட்டோர் கலந்துகொண்டனர்.
0 கருத்துகள்:
கருத்துரையிடுக