காமராஜர் பல்கலைக்கழகமுதுநிலை பட்டப்படிப்பு தேர்வு முடிவுகள்

                 மதுரை காமராஜர் பல்கலைக்கழக முதுநிலை பட்டப்படிப்பு (பருவமுறை) ஏப்ரல் 2010 தேர்வு முடிவுகள் கீழ்க்கண்ட பாடங்களுக்கு வெளியிடப்பட்டுள்ளதாக பல்கலைக்கழகத் தேர்வாணையர் (பொறுப்பு) ம.திருமலை தெரிவித்துள்ளார்.  

               எம்.எஸ்.டபிள்யூ (சிபிசிஎஸ்), எம்.டி.எம் (சிபிசிஎஸ்), எம்.எஸ்சி. வேதியியல்  (சிபிசிஎஸ்), எம்.ஏ. எச்ஆர்எம் (சிபிசிஎஸ்), எம்.காம். (சிபிசிஎஸ்) உள்ளிட்ட தேர்வு முடிவுகள் ஜூன் 14-ம் தேதி வெளியிடப்பட்டுள்ளன. தங்களது தேர்வு முடிவுகளை (http://www.mkuniversity.org/results_new.php) எனும் இணைய தளம் மூலமாக மாணவர்கள் தெரிந்துகொள்ளலாம்.  மேலும், மேற்கண்ட பாடங்களுக்கு மறுமதிப்பீட்டிற்கு விண்ணப்பிக்க விரும்பும் மாணவர்கள், மதிப்பெண் பட்டியல் வரும் வரை காத்திராமல் அதற்குரிய விண்ணப்பங்களை இணையதளம் மூலமாகவும் (http://www.mkuniversity.org/menu_pg.php?id=47?s_id=62 பெற்றுக் கொள்ளலாம்.  மறுமதிப்பீடு செய்ய விரும்பும் மாணவர்கள் அதற்குரிய விண்ணப்பங்களை ஜூலை 7-ம் தேதி மாலை 5 மணிக்குள் தேர்வாணையர் அலுவலகத்திற்குக் கிடைக்கும்படி அனுப்ப வேண்டும்.  மறுமதிப்பீட்டுக் கட்டணத்தைக் கேட்பு வரைவோலையாக மட்டுமே அனுப்ப வேண்டும். தாமதமாக வரும் விண்ணப்பப் படிவங்கள் ஏற்றுக்கொள்ளப்படமாட்டாது. செலுத்திய பணமும் திரும்ப வழங்கப்படமாட்டாது என்று தேர்வாணையர்  தெரிவித்துள்ளார்.