வெயில் கால இளநீர்

                 

                      வெயில் காலத்தில், வெப்பத்தினைச் சமாளிக்க இளநீர் ஏற்றதாகும். எனினும் மரத்தில் இருந்து இறக்கப்பட்டவுடன், வெயிலில் கிடக்கும் இளநீரை முற்றிலும் தவிர்த்து விட வேண்டும். முற்றிலும் நிழலில் இருக்கும் இளநீர் நல்ல பலன்களை தரும். இளநீரில் 95.5 சதவீதம் நீர் உள்ளதால், தாகத்தை தணிப்பதில் இளநீர் முக்கியப் பங்கு வகிக்கிறது. உலகில் கிடைக்கும் இளநீரில் பிரேசில், வங்கதேசத்தில் கிடைக்கும் இளநீரே அதிக இனிப்பு தன்மை உள்ளவையாக உள்ளன. இந்தியாவில் கிடைக்கும் இளநீரில் பெரும்பாலும் பொட்டாசிய உப்பு அதிகமாக இருப்பதால், உவர்ப்புத்தன்மையுடன் இளநீர் உள்ளது. இளநீரில் நைட்ரஜன் 0.05 சதவீதம், பாஸ்பாரிக் அமிலம் 0.56 சதவீதம், பொட்டாசியம் 0.25 சதவீதம், கால்சியம் ஆக்சைடு 0.69 சதவீதம், மக்னீசியம் ஆக்சைடு 0.59 சதவீதம் உள்ளன.