பண்ருட்டி:
புதுச்சேரி மாநிலத்தில் இருந்து போலி மதுபாட்டில்களை கடந்தி வந்த 3 பேர் கைது செய்யப்பட்டனர் கடத்தப்பட்ட மது பாட்டில்களும், கடத்தலுக்கு பயன்படுத்திய இரு கார்களும் செவ்வாய்க்கிழமை பறிமுதல் செய்யப்பட்டன. புதுச்சேரி மாநிலத்தில் இருந்து பண்ருட்டி வழியாக மது பாட்டில்கள் காரில் கடத்தப்படுவதாக பண்ருட்டி போலீஸôருக்கு தகவல் வந்தது. இதனைத் தொடர்ந்து இன்ஸ்பெக்டர் செல்வம் தலைமையில் காவலர்கள் குணசேகரன், வடிவேல், ராஜசேகர், புகழேந்தி, பாலமுருகன் ஆகியோர் பூங்குணம் அருகே வாகனச் சோதனையில் ஈடுபட்டிருந்தனர். அப் போது அவ்வழியே அடுத்தடுத்து வந்த 2 கார்களை நிறுத்தி சோதனை செய்தனர். பின்னால் வந்த காரில் 250 பெரிய அளவு மது பாட்டில்கள் கடத்தி வரப்பட்டதும், முன்னாள் வந்த கார் பாதுகாப்புக்கு வந்தது எனவும் தெரியவந்தது. இது தொடர்பாக காரில் மது பாட்டில்கள் கடத்தி வந்த போலீஸ் லைனை சேர்ந்த சுமன்ராஜ் (21), திருவள்ளுவர் நகர் வெற்றி (18), ஆறுமுகம் (31) ஆகியோரை போலீஸôர் கைது செய்தனர். மேலும் தப்பியோடிய ராஜி, வெங்கடாஜலம் ஆகிய இருவரைத் தேடி வருகின்றனர். பறிமுதல் செய்யப்பட்ட கார்கள் மற்றும் போலி மதுபாட்டிலின் மொத்த மதிப்பு ரூ.3 லட்சம் என மதிப்பிடப்பட்டுள்ளது.
0 கருத்துகள்:
கருத்துரையிடுக