பண்ருட்டி:
பண்ருட்டியில் ஆக்கிரமிப்பு அகற்றப்பட்டதால் பாதிக்கப்பட்ட சாலையோர வியாபாரிகள் குடும்பத்தினருடன் வட்டாட்சியர் அலுவலகம் முன் செவ்வாய்க்கிழமை உண்ணாவிரதப் போராட்டத்தில் ஈடுபட்டனர். ஜீவா சாலையோர சிறு வியாபாரிகள் சங்க பொருளாளர் எஸ்.சிவப்பிரகாசம் உண்ணாவிரதத்துக்கு தலைமை தாங்கினார், தலைவர் ஆர்.ரகுபதி, துணைத் தலைவர் எஸ்.மணி முன்னிலை வகித்தனர்.
ஏஐடியூசி மாவட்ட துணைச் செயலர் பி.துரை, ஏஐபிஇஏ மாவட்ட துணைத் தலைவர் ஆர்.இராதாகிருஷ்ணன், அமைப்புசாரா தொழிலாளர் சங்க மாவட்ட பொது செயலர் கே.முத்துகுமார், மாவட்ட குழு என்.கே.பாஸ்கர் உள்ளிட்டோர் வாழ்த்துரை வழங்கினர்.
உண்ணாவிரதப் போராட்டத்தில் 50-க்கு மேற்பட்டோர் குடும்பத்தினருடன் பங்கேற்றனர். ஏஐடியூசி மாவட்ட துணைத் தலைவர் டி.மணிவாசகம் உண்ணாவிரதத்தை முடித்து வைத்து வாழ்த்துரை வழங்கினார்.
0 கருத்துகள்:
கருத்துரையிடுக