சேத்தியாத்தோப்பு :
சேத்தியாத்தோப்பு அருகே ஏற்பட்ட தீ விபத் தில் 2 லட்சம் ரூபாய் மதிப்புள்ள பொருட்கள் எரிந்து சேதமானது.
சேத்தியாத்தோப்பு அடுத்த வடபாக்கம் கிராமத்தை சேர்ந்தவர் சுந்தராஜன். இவர் சென்னையில் கூலி தொழிலாளியாக வேலை செய்து வருகிறார். இவரது மனைவி எழிலரசி தனது குழந்தைகளுடன் வசித்து வருகிறார். நேற்று முன்தினம் காலை 8 மணிக்கு குழந்தைகளுடன் சேத்தியாத்தோப்பிற்கு வந்தார். இதற்கிடையே அவரது வீடு திடீரென தீப்பிடித்து எரிந்தது. இதில் 2 பவுன் நகை, உளுந்து, பயறு, நெல் தானியங்கள் உள்ளிட்ட வீட்டில் உள்ள அனைத்து பொருட்களும் எரிந்து சாம்பலானது. தகவலறிந்த சேத்தியாத்தோப்பு தீயணைப்பு நிலையத்தினர் விரைந்து சென்று தீயை அணைத்தனர். இந்த விபத்தில் 2 லட்சம் ரூபாய் மதிப்புள்ள பொருட்கள் சேதமானது. தீ விபத்திற்கான காரணம் குறித்து விசாரித்து வருகின்றனர்.
downlaod this page as pdf
