சிதம்பரம் :
சர்வதேச வேதியியல் போட்டியில் சிதம்பரம் வீனஸ் மெட்ரிக் பள்ளி சிறப்பிடம் பெற்றுள்ளது.
மாணவர்களிடையே வேதியியல் ஆர்வத்தை வளர்க்கும் வகையில் ராயல் ஆஸ்திரேலியன் கெமிக்கல் இன்ஸ்டியூட் சார்பில் இந்தியா உட்பட 15 நாடுகளில் வினாடி வினா எழுத்து தேர்வு நடத்தப்பட்டது. இந்திய அளவில் பங்கேற்ற 205 பள்ளிகளில் சிதம்பரம் வீனஸ் பள்ளி சார்பில் பங்கேற்ற மாணவர்களில் 43 பேர் சிறப்பிடம் பெற்றனர். மாணவன் தேவசுந்தரம், மாணவி சுவாதி மாநில அளவில் 10 சதவீத உயர் இடங்களில் தேர்ச்சி பெற்றனர். மேலும் 12 மாணவர்கள் சிறப்பு நிலையிலும், 29 மாணவர்கள் உயர் நிலையிலும் தேர்ச்சி பெற்றனர்.மாணவர்களை போட் டிக்கு ஆயத்தப்படுத்திய ஆசிரியர்கள் கலைவாணி, வனிதா, வளர்மதி, புஷ்பலதா மற்றும் மாணவர்களை அண்ணாமலை பல்கலைக்கழக வேதியியல் துறை பேராசிரியர் சுவாமிநாதன், பள்ளி நிர்வாகி குமார், ரூபியாள் ராணி, தலைமை ஆசிரியர் மகேஷ்சுந்தர் பாராட் டினர்.
0 கருத்துகள்:
கருத்துரையிடுக