கடலூர், டிச. 13:
கடலூர் மாவட்ட முதன்மைக் கல்வி அலுவலரின் நேர்முக உதவியாளராக மேல்நிலைப் பள்ளித் தலைமை ஆசிரியர் நிலையில் உள்ள எம். ராஜேந்திரன் நியமிக்கப்பட்டு உள்ளார்.
இதுவரை மாவட்ட முதன்மைக் கல்வி அலுவலர்களுக்கு உயர்நிலைப் பள்ளித் தலைமை ஆசிரியர் நிலையிலேயே நேர்முக உதவியாளர்கள் நியமிக்கப்பட்டு வந்தனர். தற்போது, மேல்நிலைப் பள்ளித் தலைமை ஆசிரியர் நிலையில் மேலும் ஒரு நேர்முக உதவியாளரை நியமனம் செய்யுமாறு பள்ளிக் கல்வித் துறை அண்மையில் ஆணை பிறப்பித்தது.
அதன் அடிப்படையில், கடலூர் முதுநகர் அரசு மகளிர் மேல்நிலைப் பள்ளித் தலைமை ஆசிரியராகப் பணியாற்றிய எம். ராஜேந்திரன், கடலூர் மாவட்ட முதன்மைக் கல்வி அலுவலரின் நேர்முக உதவியாளராக நியமிக்கப்பட்டார். இதையடுத்து, அவர் வெள்ளிக்கிழமை பொறுப்பேற்றார். இதே போல, வடலூர் அரசு மகளிர் மேல்நிலைப் பள்ளி முதுநிலை ஆசிரியராக பணியாற்றிய ரெ. பழநி, கடலூர் மாவட்ட சுற்றுச்சூழல் அலுவலராக நியமிக்கப்பட்டார். இதையடுத்து அவர் வெள்ளிக்கிழமை பதவி ஏற்றார். புதிய பதவிகளில் பொறுப்பேற்றவர்களுக்கு மாவட்ட முதன்மைக் கல்வி அலுவலர் சி. அமுதவல்லி வாழ்த்துத் தெரிவித்தார்.
0 கருத்துகள்:
கருத்துரையிடுக