கடலூர்:
ரோலர் ஸ்கேட்டிங் கோடைகால சிறப்பு பயிற்சி முகாம் நிறைவு விழா கடலூர் அண்ணா விளையாட்டரங்கில் நடந்தது. ரோலர் ஸ்கேட்டிங் கோடைகால சிறப்பு பயிற்சி முகாம் மே 1ம் தேதி முதல் கடலூர் அண்ணா விளையாட்டரங்கு மற்றும் சில்வர் பீச்சில் நடந்தது. இதில் 44 மாணவ, மாணவிகள் பயிற்சி பெற்றனர். இதன் நிறைவு விழா நேற்று முன் தினம் அண்ணா விளையாட்டரங்கில் நடந்தது. அமைச்சூர் ரோலர் ஸ்கேட்டிங் சங்க மாவட்ட தலைவர் ராமலிங்கம் தலைமை தாங்கினார். மாவட்ட விளையாட்டு அதிகாரி திருமுகம் முன்னிலை வகித்தார். கூடுதல் எஸ்.பி., ராமகிருஷ்ணன் பயிற்சியில் பங்கேற்ற மாணவ, மாணவிகளுக்கு சான்றிதழ் மற்றும் பதக் கங்களை வழங்கி பாராட்டினார்.மாவட்ட ஹாக்கி சங்க தலைவர் கருணாகரன், செயற்குழு உறுப்பினர் வாசு, ஒருங்கிணைப்பாளர் கார்த்திகேயன், செயலா ளர் சந்திரமோகன் பால் ராஜ், பயிற்சியாளர்கள் அமரேந்திர பிஷ்வால், வெங்கடேஷ், நிர்மல் உள்ளிட்டோர் பங்கேற்றனர்.
0 கருத்துகள்:
கருத்துரையிடுக