நெய்வேலி, நவ. 20:
நேர்முகத் தேர்வை தைரியத்துடனும், தன்னம்பிக்கையுடனும் அணுக வேண்டும் என வடலூரில் வெள்ளிக்கிழமை துவங்கிய வேலைவாய்ப்பு முகாமில் மாநிலங்களவை உறுப்பினர் கனிமொழி கேட்டுக்கொண்டார்.
கடலூர் மாவட்டத் திமுக சார்பில் படித்த இளைஞர்களுக்கான வேலைவாய்ப்பு முகாம் வடலூர் வள்ளலார் குருகுலம் மேல்நிலைப் பள்ளியில் வெள்ளிக்கிழமை தொடங்கியது. 3 நாள்கள் நடைபெறவுள்ள இந்த முகாமை மாநிலங்களவை உறுப்பினர் கனிமொழி வெள்ளிக்கிழமை தொடங்கிவைத்துப் பேசியது: இந்த முகாமை நடத்த முயன்றபோதெல்லாம் அடாத பெய்த மழையால 3 முறை ஒத்திவைக்கப்பட்டது. பந்தல் போடவே பெரும் போராட்டம் என்றாகிவிட்டது. இருப்பினும் விடாமல் இந்த வேலைவாய்ப்பு முகாமை நடத்தியே தீரவேணடும் என்ற தீரத்துடன் செயல்பட்டு இன்று ஒருவழியாக முகாம் தொடங்கிவிட்டது. கடலூர் மாவட்டத்தில் 16 இடங்களில் இருந்து விண்ணப்பங்கள் பெறப்பட்டுள்ளன. இதன்மூலம் 54 ஆயிரம் பேர் இந்த வேலைவாய்ப்பு முகாமுக்கு பதிவுசெய்துள்ளனர். வெள்ளிக்கிழமை 15 ஆயிரம் பட்டதாரிகள் முகாமில் பங்கேற்றுள்ளனர். நேர்முகத் தேர்வில் பங்கேற்கக் கூடியவர்கள் தைரியத்துடன், தெளிவாக பேசுங்கள். ஒருவருக்கு 5 வாய்ப்புகள் வழங்கப்படுகின்றன. அறிமுகமான நிறுவனத்தை மட்டுமே தேர்ந்தெடுக்காதீர்கள். பரீட்சயம் இல்லாத நிறுவனமாக இருந்தாலும் அங்கே அணுகி உங்களது திறமைக்கேற்ப வேலையை பெற்றுக்கொள்ளுங்கள். இதன் மூலம் உங்களது வாழ்க்கைக்கையைத் தொடங்குங்கள் என்றார் கனிமொழி. விழாவிற்குத் தலைமைவகித்த அமைச்சர் எம்.ஆர்.கே.பன்னீர்செல்வம் பேசுகையில், மிகப்பெரிய அளவில் நடைபெறும் இந்த முகாமை இங்கு நடத்த தூணாக நின்ற கட்சியினருக்கு தனது பாராட்டுகளை தெரிவித்துக் கொள்வதாகக் கூறினார். விழாவில் அமைச்சர் தங்கம் தென்னரசு, ஓபிஆர் கல்வி நிறுவனங்களின் தாளாளர் செல்வராஜ் உள்ளிட்டோர் கலந்துகொண்டனர் ஒருங்கிணைப்பாளர் போஸ்கோ, முகாமில் பங்கேற்க வந்துள்ள ஊனமுற்றோர், கர்ப்பிணி மற்றும் குழந்தையுடன் வந்திருக்கும் பெண்களுக்கு நேர்முகத் தேர்வை அணுக முன்னுரிமை அளிக்கப்படும் என அறிவித்தார். இந்த முகாமை முன்னிட்டு வடலூர் நகரமே தைப்பூச தினம் போல் காட்சியளிக்கிறது.
நேர்முகத் தேர்வை தைரியத்துடனும், தன்னம்பிக்கையுடனும் அணுக வேண்டும் என வடலூரில் வெள்ளிக்கிழமை துவங்கிய வேலைவாய்ப்பு முகாமில் மாநிலங்களவை உறுப்பினர் கனிமொழி கேட்டுக்கொண்டார்.
கடலூர் மாவட்டத் திமுக சார்பில் படித்த இளைஞர்களுக்கான வேலைவாய்ப்பு முகாம் வடலூர் வள்ளலார் குருகுலம் மேல்நிலைப் பள்ளியில் வெள்ளிக்கிழமை தொடங்கியது. 3 நாள்கள் நடைபெறவுள்ள இந்த முகாமை மாநிலங்களவை உறுப்பினர் கனிமொழி வெள்ளிக்கிழமை தொடங்கிவைத்துப் பேசியது: இந்த முகாமை நடத்த முயன்றபோதெல்லாம் அடாத பெய்த மழையால 3 முறை ஒத்திவைக்கப்பட்டது. பந்தல் போடவே பெரும் போராட்டம் என்றாகிவிட்டது. இருப்பினும் விடாமல் இந்த வேலைவாய்ப்பு முகாமை நடத்தியே தீரவேணடும் என்ற தீரத்துடன் செயல்பட்டு இன்று ஒருவழியாக முகாம் தொடங்கிவிட்டது. கடலூர் மாவட்டத்தில் 16 இடங்களில் இருந்து விண்ணப்பங்கள் பெறப்பட்டுள்ளன. இதன்மூலம் 54 ஆயிரம் பேர் இந்த வேலைவாய்ப்பு முகாமுக்கு பதிவுசெய்துள்ளனர். வெள்ளிக்கிழமை 15 ஆயிரம் பட்டதாரிகள் முகாமில் பங்கேற்றுள்ளனர். நேர்முகத் தேர்வில் பங்கேற்கக் கூடியவர்கள் தைரியத்துடன், தெளிவாக பேசுங்கள். ஒருவருக்கு 5 வாய்ப்புகள் வழங்கப்படுகின்றன. அறிமுகமான நிறுவனத்தை மட்டுமே தேர்ந்தெடுக்காதீர்கள். பரீட்சயம் இல்லாத நிறுவனமாக இருந்தாலும் அங்கே அணுகி உங்களது திறமைக்கேற்ப வேலையை பெற்றுக்கொள்ளுங்கள். இதன் மூலம் உங்களது வாழ்க்கைக்கையைத் தொடங்குங்கள் என்றார் கனிமொழி. விழாவிற்குத் தலைமைவகித்த அமைச்சர் எம்.ஆர்.கே.பன்னீர்செல்வம் பேசுகையில், மிகப்பெரிய அளவில் நடைபெறும் இந்த முகாமை இங்கு நடத்த தூணாக நின்ற கட்சியினருக்கு தனது பாராட்டுகளை தெரிவித்துக் கொள்வதாகக் கூறினார். விழாவில் அமைச்சர் தங்கம் தென்னரசு, ஓபிஆர் கல்வி நிறுவனங்களின் தாளாளர் செல்வராஜ் உள்ளிட்டோர் கலந்துகொண்டனர் ஒருங்கிணைப்பாளர் போஸ்கோ, முகாமில் பங்கேற்க வந்துள்ள ஊனமுற்றோர், கர்ப்பிணி மற்றும் குழந்தையுடன் வந்திருக்கும் பெண்களுக்கு நேர்முகத் தேர்வை அணுக முன்னுரிமை அளிக்கப்படும் என அறிவித்தார். இந்த முகாமை முன்னிட்டு வடலூர் நகரமே தைப்பூச தினம் போல் காட்சியளிக்கிறது.
0 கருத்துகள்:
கருத்துரையிடுக