கடலூர், நவ. 19:
கடலூர் மாவட்டத்தில் மழை பாதிப்பு குறித்து ஆய்வு நடத்தப்பட்டு வருகிறது. வடகிழக்குப் பருவ மழை தொடங்கியதைத் தொடர்ந்து கடலூர் மாவட்டத்தில் அக்டோபர் 28-ம் தேதி முதல் 15 நாள்கள் கன மழை பெய்தது. இதனால் பெரும்பாலான ஏரிகள் குளங்கள் நிரம்பி விட்டன. அணைகள், பெரிய ஏரிகள் நிரம்பி வழிந்து ஆயிரக்கணக்கான கனஅடி நீர் கடலுக்கு வீணாகச் சென்று கொண்டு இருக்கிறது. அதே நேரத்தில் முறையான வடிகால் வசதி இல்லாததால் மழைநீர் விளை நிலங்களுக்குள் புகுந்து, வழக்கம்போல் இந்த ஆண்டும் சேதங்களையும் விளைவித்து இருப்பதாக விவசாயிகள் தெரிவிக்கிறார்கள். குடிசை வீடுகளுக்குள் மழைநீர் புகுந்து ஏழை எளிய மக்கள் பலரும் பாதிக்கப்பட்டு உள்ளனர். வீடுகள் பல இடிந்து விழுந்து உள்ளன. சாலைகள் பெரிதும் சேதம் அடைந்து உள்ளன. மழை பாதிப்புகளுக்கு நிவாரணம் வழங்குவதற்கான ஆய்வுப் பணி மாவட்ட நிர்வாகத்தால் முடுக்கி விடப்பட்டு உள்ளது. மழையால் உ.யிரிழந்தவர்களின் குடும்பங்களுக்கு ரூ.1 லட்சம் நிவாரணத் தொகை வழங்கப்பட இருக்கிறது. மழையினால் 3 பேர் இறந்துள்ளனர். 23 கால்நடைகள் இறந்துள்ளன. 675 வீடுகள் சேதம் அடைந்து உள்ளன. பயிர்கள் சேதம் தண்ணீர் வடிந்த பின்னர்தான் தெரியவரும். குறிஞ்சிப்பாடியை அடுத்த பெருமாள் ஏரி பாசனப் பகுதிகளில் ஏற்பட்டுள்ள பாதிப்புகளை அலுவலர்கள் செவ்வாய்கிழமை ஆய்வு செய்தனர். மாவட்ட வருவாய் அலுவலர் எஸ்.நடராஜன், மாவட்ட ஆட்சியரின் நேர்முக உதவியாளர் (விவசாயம்) மணி, வேளாண் உதவி இயக்குநர் அசோகன் மற்றும் வருவாய்த்துறை அலுவலர்கள் இந்த ஆய்வை மேற்கொண்டனர். மழையால் சேதம் அடைந்த சாலைகள் குறித்து நெடுஞ்சாலைத் துறை அலுவலர்கள் கணக்கெடுப்பு நடத்தி வருகிறார்கள்.
கடலூர் மாவட்டத்தில் மழை பாதிப்பு குறித்து ஆய்வு நடத்தப்பட்டு வருகிறது. வடகிழக்குப் பருவ மழை தொடங்கியதைத் தொடர்ந்து கடலூர் மாவட்டத்தில் அக்டோபர் 28-ம் தேதி முதல் 15 நாள்கள் கன மழை பெய்தது. இதனால் பெரும்பாலான ஏரிகள் குளங்கள் நிரம்பி விட்டன. அணைகள், பெரிய ஏரிகள் நிரம்பி வழிந்து ஆயிரக்கணக்கான கனஅடி நீர் கடலுக்கு வீணாகச் சென்று கொண்டு இருக்கிறது. அதே நேரத்தில் முறையான வடிகால் வசதி இல்லாததால் மழைநீர் விளை நிலங்களுக்குள் புகுந்து, வழக்கம்போல் இந்த ஆண்டும் சேதங்களையும் விளைவித்து இருப்பதாக விவசாயிகள் தெரிவிக்கிறார்கள். குடிசை வீடுகளுக்குள் மழைநீர் புகுந்து ஏழை எளிய மக்கள் பலரும் பாதிக்கப்பட்டு உள்ளனர். வீடுகள் பல இடிந்து விழுந்து உள்ளன. சாலைகள் பெரிதும் சேதம் அடைந்து உள்ளன. மழை பாதிப்புகளுக்கு நிவாரணம் வழங்குவதற்கான ஆய்வுப் பணி மாவட்ட நிர்வாகத்தால் முடுக்கி விடப்பட்டு உள்ளது. மழையால் உ.யிரிழந்தவர்களின் குடும்பங்களுக்கு ரூ.1 லட்சம் நிவாரணத் தொகை வழங்கப்பட இருக்கிறது. மழையினால் 3 பேர் இறந்துள்ளனர். 23 கால்நடைகள் இறந்துள்ளன. 675 வீடுகள் சேதம் அடைந்து உள்ளன. பயிர்கள் சேதம் தண்ணீர் வடிந்த பின்னர்தான் தெரியவரும். குறிஞ்சிப்பாடியை அடுத்த பெருமாள் ஏரி பாசனப் பகுதிகளில் ஏற்பட்டுள்ள பாதிப்புகளை அலுவலர்கள் செவ்வாய்கிழமை ஆய்வு செய்தனர். மாவட்ட வருவாய் அலுவலர் எஸ்.நடராஜன், மாவட்ட ஆட்சியரின் நேர்முக உதவியாளர் (விவசாயம்) மணி, வேளாண் உதவி இயக்குநர் அசோகன் மற்றும் வருவாய்த்துறை அலுவலர்கள் இந்த ஆய்வை மேற்கொண்டனர். மழையால் சேதம் அடைந்த சாலைகள் குறித்து நெடுஞ்சாலைத் துறை அலுவலர்கள் கணக்கெடுப்பு நடத்தி வருகிறார்கள்.
0 கருத்துகள்:
கருத்துரையிடுக