நெய்வேலி வட்டம் 29-ல் உள்ள தாகூர் மெட்ரிக் மேல்நிலைப் பள்ளியில் குழந்தைகள் தினவிழா அண்மையில் கொண்டாடப்பட்டது.
விழாவுக்கு தாகூர் கல்விக் குழும நிர்வாக இயக்குநர் ரபீந்திரநாத் தலைமை வகித்தார். சிறப்பு விருந்தினராகக் கலந்துகொண்ட நெய்வேலி டிஎஸ்பி என்.மணி, தேசிய அளவிலான போட்டிகளில் பங்கேற்று வெள்ளிப்பதக்கம் வென்ற மாணவன் ராமச்சந்திரனை கெüரவித்து பரிசுகளை வழங்கினார்.முதன்மை விருந்தினராகக் கலந்து கொண்ட தொழிலதிபர் எல்.சீனுவாசன் 10, 12-ம் வகுப்பு பொதுத்தேர்வில் அதிக மதிப்பெண் பெற்ற மாணவர்களுக்கு ஊக்கப் பரிசுகள் வழங்கப்படும் என அறிவித்தார்.
மனித நேய வளர்ச்சி மைய பொதுச் செயலர் ஜீவா முருகேசன் வாழ்த்துரை வழங்கினார். தொடர்ந்து மாணவ, மாணவியரின் கலை நிகழ்ச்சிகள் நடைபெற்றன. முன்னதாக பள்ளியின் துணை முதல்வர் உமா வரவேற்றார்.
நடராஜ சோழன் தொகுத்து வழங்கினார். நிகழ்ச்சிக்கான ஏற்பாடுகளை பள்ளி முதல்வர் சந்திரசேகரன் செய்திருந்தார்.
0 கருத்துகள்:
கருத்துரையிடுக