நெய்வேலி, டிச. 7:
உலக எய்ட்ஸ் தினத்தை முன்னிட்டு நெய்வேலி நியூலைட் சாரிடபுள் அறக்கட்டளை சார்பில் எய்ட்ஸ் விழிப்புணர்வு பிரசாரம் அண்மையில் மேற்கொள்ளப்பட்டது.
இதையொட்டி மனநல நிபுணர் டாக்டர் சகாயராஜா தலைமையில் மந்தாரக்குப்பம் பஸ் நிலையம் அருகே உள்ள வாடகை வாகன ஓட்டுநர்களிடம் விழிப்புணர்வு வாசகங்கள் அடங்கிய துண்டுப் பிரசுரத்தை கெங்கைகொண்டான் பேரூராட்சித் தலைவர் கே.சக்திவேல் வழங்கினார்.
இந்நிகழ்ச்சியில் செஞ்சிலுவைச் சங்க உறுப்பினர் லட்சுமிநாராயணன்,மனித நேய மேம்பாட்டு மைய நிறுவனர் கே.சி.தம்பி உள்ளிட்டோர் கலந்துகொண்டனர். நெய்வேலி டாக்டர் முருகன் சமூக அறக்கட்டளை சார்பில் நெய்வேலி மெயின் பஜாரில் கரகாட்டம் மூலம் விழிப்புணர்வு பிரசாரம் மேற்கொள்ளப்பட்டது. இந்நிகழ்ச்சியில் அறக்கட்டளை நிர்வாகிகள் ஸ்ரீதர், கணபதி, தண்டபாணி, கணேசன், தங்கமணி உள்ளிட்டோர் கலந்துகொண்டனர்.
0 கருத்துகள்:
கருத்துரையிடுக