கடலூர், டிச. 7:
கடலூரில் பெண் கைதி லட்சுமி (33) போலீஸ் காவலில் இருந்து திங்கள்கிழமை தப்பி ஓடிவிட்டார்.
வே லூர் மாவட்டம், ஆம்பூர் ரயில் நிலையச் சாலையைச் சேர்ந்தவர் ராஜா. அவரது மனைவி லட்சுமி. திருட்டு வழக்கு ஒன்றில் சம்மந்தப்பட்ட லட்சுமியை வளத்தி போலீஸôர் கைது செய்தனர். அதைத் தொடர்ந்து லட்சுமி கடலூர் பெண்கள் மத்திய சிறையில் அடைக்கப்பட்டு இருந்தார்.
நெஞ்சுவலி ஏற்பட்டதன் காரணமாக லட்சுமி கடந்த 5-ம் தேதி கடலூர் அரசு மருத்துவமனையில் சேர்க்கப்பட்டார். போலீஸ் காவலில் அவருக்குச் சிகிச்சை அளிக்கப்பட்டு வந்தது. இந்நிலையில் திங்கள்கிழமை போலீஸ் காவலில் இருந்து லட்சுமி தப்பி ஓடிவிட்டதாகக் கூறப்படுகிறது. அவரைப் பல இடங்களில் தேடியும் கிடைக்கவிóலலை.
சிறை அலுவலர் விஜயலட்சுமி அளித்த புகாரின் பேரில், கடலூர் புதுநகர் போலீஸôர் வழக்குப் பதிவு செய்து லட்சுமியைத் தேடி வருகிறார்கள்.
0 கருத்துகள்:
கருத்துரையிடுக