கட லூர், டிச. 5:
ஆந்திர மாநிலத்தைச் சேர்ந்த இரு பக்தர்கள் ராமேஸ்வரம் கோயிலில் சாமி கும்பிட்டு விட்டு திரும்புகையில், திட்டக்குடி அருகே நிகழ்ந்த சாலை விபத்தில் இறந்தனர். சனிக்கிழமை அதிகாலையில் இந்த விபத்து நடந்தது.÷ஆந்திர மாநிலம் சுகாகுளம் மாவட்டம் ராணிகா மண்டலத்தைச் சேர்ந்த 5 பேர் ராமேஸ்ரம் கோயிலுக்கு சாமி கும்பிட காரில் வந்தனர். சாமி கும்பிட்டுவிட்டு ஆந்திரம் திரும்புகையில், அவர்கள் பயணம் செய்த கார் திட்டக்குடியை அடுத்த வேப்பூர் அருகே விபத்தில் சிக்கியது. திருச்சியில் இருந்து சென்னை நோக்கிச் சென்ற லாரி அதிவேகமாக வந்து காரின் பின் பகுதியில் மோதியது.
இந்த விபத்தில் காரில் பயணம் செய்த ஈஸ்வரராவ் (25), மகேஸ்வரராவ் மனைவி ரானம்மாள் (70) ஆகியோர் அதே இடத்தில் இறந்தனர். காயமடைந்த மேலும் மூவர் உளுந்தூர்பேட்டை அரசு மருத்துவமனையில் சேர்க்கப்பட்டனர்.
0 கருத்துகள்:
கருத்துரையிடுக