சிதம்பரம், டிச. 5:
சிதம்பரத்தை அடுத்த பரங்கிப்பேட்டை வட்டாரத்தில் தமிழ்நாடு வேளாண்மை வளர்ச்சி திட்டத்தில் துல்லிய பண்ணைய திட்டம் மூலம் தோட்டக்கலை பயிர்கள் சாகுபடி செய்ய திட்டமிடப்பட்டுள்ளதாக உதவி வேளாண் இயக்குநர் ராஜராஜசோழன் தெரிவித்துள்ளார்.
இதுகுறித்து அவர் வெளியிட்டுள்ள பத்திரிகை செய்தி: துல்லிய பண்ணைய வேளாண் திட்டத்தில் ஒரு ஹெக்டேர் நிலம் உடைய 10 வேளாண் பெருமக்கள் ஒரு குழுவாக ஒருங்கிணைந்து ஓராண்டு வாழை அல்லது காய்கறி உள்ளிட்ட தோட்டக்கலை பயிர்கள் சாகுபடி செய்யலாம். இதற்கு மத்திய, மாநில அரசு நுண்ணீர் பாசன அமைவிற்கு ரூ.40 ஆயிரம் மற்றும் கரையும் உரங்கள் ரூ.30 ஆயிரம் உள்ளிட்ட ரூ.70 ஆயிரத்தை மானியமாக வழங்குகிறது.
விவசாயிகள் இத்திட்டத்தின் மூலம் பயன்பெற நில உடைமை சிட்டா, சாகுபடி விவர அடங்கல், அடையாள அட்டை நகல், வயல் விபர வரை உள்ளிட்ட ஆவணங்களுடன் அருகே உள்ள உதவி வேளாண் அலுவலரை தொடர்பு கொள்ள வேண்டும் என ராஜராஜசோழன் தெரிவித்துள்ளார்.
0 கருத்துகள்:
கருத்துரையிடுக